Personal nga gitunol ni Gov. Edwin “kuya gob” I. Jubahib ug Department Heads sa nagkadaiyang opisina sa kapitolyo ang Gantimpala Agad Awards sa 12 ka mga personahe ug 8 ka mga opisina sa probinsya sa Davao del Norte gahapong adlawa, Enero 19, 2022 sa Tahanan ng Punong Panlalawigan.
Ang mga awardees adunay dakong kontribusyon sa pagsungkit sa probinsya sa inilang 2021 Regional Nutrition Awards nga usa niana ang Green Banner Award, kini usa sa pinakataas nga ganti alang sa Local Government Units, nga gipahigayon online niadtong Disyembre 22, 2021 diin sab giila si Gov. Edwin “kuya gob” I. Jubahib isip only Nutrizen Awardee sa rehiyon.
Nahimong sulundon ang probinsya sa Davao del Norte sa tibuok rehiyon tungod bisan sa pandemya, nakahimo gihapon sa pag-akatar sa mga maayong implementasyon sa mga programang nutrisyonal pinaagi sa mga miyembro sa Provincial Nutrition Committee (PNC) ug Provincial Nutrition Evaluation Team ug Technical Working Group (PNET-TWG).
Ang mga opisina ug ahensya naglagkob sa Provincial Health Office (PHO), Provincial Social Welfare and Development Office (PSWDO), Provincial Agriculture’s Office (PAO), Provincial Environment and Natural Resources Office (PENRO), Provincial Administrator’s Office – Employment and Workforce Development Division (PADO-EWDD), Provincial Administrator’s Office – Disaster Risk Reduction and Management Division (PADO-DRRMD), Provincial Budget Office (PBO) ug Department of Education sa Davao del Norte. Apil sab sa gipasidunggan ang mga LGUs sa probinsya.
Ang 12 ka miyembro sa PNET-TWG naglangkub nila:
1. Dr. Alfredo A. Lacerona
2. Mayflor Peralta, RND
3. Fevelyn M. Marfe, RSW, MPA, MSSW
4. Novelyn Y. Cadabona, RSW
5. Marites S. Racacho, MPA
6. Marites B. Nacito, RA
7. Bernalyn Inojales, RA
8. Mary Joy P. Olavides, LPT
9. Corazon S. Pero
10. Ines D. Agnes
11. Jocelyn Cenise-Cardinal, RN
12. Garry D. de Vera, RN
Gipaabot ni Kuya Gob iyang dakong kalipay ug pasalamat sa mga awardees sa ilang panaghiusa ug paningkamot aron makahatag og dekalidad nga serbisyo sa katawhan sa probinsya. Gidasig niya ang tanan nga ipadayon ang pagka matinud-anon alang sa makanunayong kalambuan.
