Gipahigayon niadtong Enero 17, 2022 ang press conference sa 14 ka mga miyembro sa kinatibuk-ang pamunoan sa mga terorista sa komunistang NPA sa Headquarters SRC5, SMRC, ug ang Sub-Regional Guerilla Unit (SRGU) niini nga boluntaryong misurender sa 1003rd Infantry Brigade ilawom sa pangulo ni Colonel Consolito P. Yecla niadtong Enero 10, 13 ug 16, 2022 sa Sitio Minalong, Brgy Kahusayan, Kitaotao, Bukidnon; ug Sitio Sambulungan, Brgy Palma Gil, Talaingod, Davao del Norte.

Ingon man usab, ilang gi-surender ang 9 ka high-powered ug 2 ka low-powered nga mga armas, 2 ka mga kalibre .45 nga pistola, keypad cellphones, nagkalain-laing medical paraphernalia, mga notebook ug mga dokumento, personal nga mga butang, mga handheld nga radyo, memory cards ug uban pang kagamitan sa gubat.

Sumala pa ni alyas “Mandy” sa pasiunang hinabi kanila, game over na sila. Iya sab gisaysay nga ilang nakit-an ug nabati ang paningkamot sa gobyerno, kapulisan ug kasundalohan aron sa pagdani nga mo balik na sila sa sabakan sa gobyerno nga walay kinabuhing makalas.

Gidayeg ni MGen Ernesto C. Torres Jr, Commander 10ID ang walay samang kalampusan sa pagbungkag sa tibuok Sub-Regional Committee nga kaniadto adunay 3 ka mga natarang gerilya; ug sa pag dismantle sa SRC 5 sayo sa gitakda nga panahon ni Presidente Rodrigo Duterte.

Apil si Davao del Norte Governor Edwin “kuya gob” I. Jubahib sa mga gipasidunggang indibidwal tungod sa dakong kontribusyon sa iyang pamunoan sa pagdasig sa mga armado nga mo pailalum na pag-usab sa sabakan sa gobyerno. Mitunol sab siya og pasiunang pinansyal nga tabang sa 14 ka mga FRs.

Kauban sa kinatibuk-ang pwersa sa kasundalohan, kapulisan, probinsya sa Davao del Norte ug uban pang ahensya sa gobyerno, gilaumang mahunong sa hingpit ang armadong pakigbisog sa dili pa mahuman ang termino ni presidente Rodrigo Duterte alang sa mas hapsay ug malinawong komunidad.

 

 

 

DavNor News

nainggo