STO NIÑO, NEW CORELLA, Davao del Norte—Todo-pasalamat ang tribo Dibabawon niini nga lungsod kay “natuman ang ilang pangandoy” nga balay gumikan sa paningkamot ni Gobernador Edwin “Kuya Gob” Jubahib atol sa ground breaking sa “Balay Kabauyan Tu Dibabawon” Pebrero 9, 2022.

“Kani nga project para ni sa one hundred ka IPs sa municipality sa New Corella. .. Pinaagi kang Kuya Governor na-realize ni siya-- Twenty Million libre, full-grant ni . . paningkamot sa atong Governor ug sa LGU New Corella.. . Karon na-realize na nato ang IP housing worth 20 million, then nag-equity pod si Gov og 1.8 million. . . This is full grant, wa mo’y ibalik maski peso, inyoha na,” matod ni NHA XI Regional Director Engr. Clemente Dayot nga nagtumong sa 100 units 22.5 Square meters floor area nga balay.

Kini na ang ika-600 units nga pabalay alang sa mga Indigenous People (IP) sa tibuok Davao del Norte ilawom sa administrasyon ni Kuya Gob.

“Naa na jud, miabot na jud ang atong gipangandoy, nga kadtong walay tarong nga balay naa na gyod balay para sa tribong Dibabawon. . Dako kaayo mi’g pasalamat ilabina sa NHA. Kani nga paningkamot dugay-dugay na gyod nga pag-process. Karon nga administration nahitabo na gyod. Salamat kaayo Gob sa suporta. Miabot na gyod ang dugay na natong gipangandoy. In behalf sa tanang tribo sa New Corella, dako kaayo ang among pasalamat. . . Laomi Gob ang among suporta sa imong administrasyon,” matod ni municipal IPMR Datu Delfin Omos nga nagtug-an nga ang parehas 20 million proposal nga proyekto iloang himoon alang sa tribong Mangguangan.

Sa Davao del Norte dunay pito ka tribo nga gilangkoban sa Ata- Manobo, Dibabawon, Kalagan, Mandaya, Mangguangan, Mansaka ug Sama.

“Dako ko’g pasalamat nga nakita na nato karon ang balay nga gihatag ni Gob uban sa atong mayor, nga para sa tribo. Upat mi ka barangay nga Dibabawon, nga gitagaan mi og higayon nga kaning among grupo naa na mi kaugalingon village dire. . Dako gyod mi’g pasalamat sa tanan nga nagtabang ani nga project. . nia na gyod ang among gipangandoy nga balay,” todo-pasalamat ni Datu Gideon Lugbas alang sa iyang mga ka-tribo sa barangays San Roque, Sto. Niño, Macgum ug Suaon.

Bisan peso walay bayaran ang tribo ug gipanghinaut ni Gobernador Jubahib ang ilang suporta pinaagi sa pagtabang nga mapatunhay ang kalinaw ug kahusay.

“Ang akong hangyo kaninyong tanan, manghinaut ko sa inyoha mga Datu, nga mohatag mo sa inyong suporta panahon sa pag-implement aning project kay kini sugdan naman dayon. Nag-counterpart ang provincial government og 1.8 million pesos apil ang land ug site development, hangyo nako sa inyoha nga mo-assist mo. Ug kinahanglan nga walay babag o samok during implementation. Gikinahanglan nga proteksyonan ninyo kining maong proyekto, libre nga ihatag gikan sa gobyerno alang kaninyo,” matod ni Kuya Gob ngadto ilabina sa mga lideres sa tribong Dibabawon.

************************///

Datu Gideon Lugbas and wife 

Naminaw ang mga sakop sa tribong Dibabawon 

One DavNor, One Team si NHA XI Regional Director Engr. Clemente Dayot ug Gobernador Edwin "Kuya Gob: Jubahib 

Gobernador Edwin "Kuya Gob" Jujbahib atol sa groundbreaking 

 

DavNor News

nainggo