GAWAS sa lain-laing nasyonal, rehiyonal ug lokal nga mga ahensya nga nagpaluyo sa Balik Probinsya, Bagong Pag-asa (BP2) program, milihok sab dayon ang KAwsa sa AGrikulturA ug PAnginabuhian sa barangaY [KAAGAPAY] nga matabangan ang nanguli pamilyang Dabaonon aron dali nga “makatindog sa ilang kaugalingong tiil.”

Ang KAAGAPAY maoy food-sufficiency program ni Gobernador Edwin “Kuya Gov” Jubahib niadtong 2020 aron masagubang ang kalisod ug kanihit sa pagkaon gumikan sa COVID-19 pinaagi sa pagtanom og gulay, kahoy ug ang pagbuhi’g manok nga libreng gihatag sa probinsyal nga panggamhanan. Andam sab paliton pagbalik sa KAAGAPAY ang mahimong produktong manok ug gulay.

Nanghatag dayon ang KAAGAPAY sa mga binhi-gulayon aron itanom sa mga BP2 benepisyaro samtang ang Department of Agriculture pinaagi sa Provincial Agriculture Office (PAGRO) nanghatag sab og tig 50 ka manok ug unom ka kanding. Usa sa mga BP2 beneficiary nahatagan sab og carabao.

“Mayron po. seedlings. . Try namin yung kamatis na-timing din sa tag-init. . Yung manok binigyan din kami ng DA, 50 po. Tapos yung goat naman six. . Yung manok 18 na lang, namatay po. . Huli na nang mabigyan nang gamot, antibiotic,” matod ni Nathaniel ug Charylen Gamol sa San Nicolas, Panabo City.

“Tulong ng DSWD 25 thousand foods at saka rental, sa DOLE yung sa Negosyo worth 30 thousand, itong pabahay worth 50 thousand at saka sa DA at PAGRO yung binigay nilang hayop, kambing, manok at saka kalabaw,” matod sab ni Julius Roy Leyte nga taga Kamuning, Asuncion nga bag-ong nahalinan 8 thousand gumikan sa binhi mais nga gihatag sa DavNor PAGRO.

Ug aron daling makadawat hinabang sa gobyerno, ang mga KAAGAPAY benepisyaryo gi-organisar nga mahimong People’s Organization apil na ang bag-ong miuli nga BP2 benepisyaryo.

“Kanang iyang immediate family i-organize into one PO, at least 15. . . I-organize kay naay one million gihatag ang DA for that purpose. . . Karon amo nang gi-mainstream kining vegetables production sa KAAGAPAY to our regular program para naay other support. . . Then naa ta’y i-integrate karon ang isda tilapia, naa po’y hito,” matod ni Engineer Leonilo Patayon, ang focal person sa KAAGAPAY vegetable production.

Gumikan sa kalisod dala sa COVID-19, daghang taga Davao del Norte ang nanguli pinaagi sa BP2 program og wala magdahom sa sobra-sobrang nadawat nga tabang gikan sa lain-laing ahensya sa gobyerno ug sa KAAGAPAY. [Camera Michael B. & Carl M.]

Si Charylen ug Nathaniel diin sa likod ang ilang gamay'ng tindahan 

Housing assistance alang sa pamilyang Gamol. 

Binuhing manok sa pamilyang Gamol 

Binuhing kanding sa pamilyang Gamol 

Si Julius Rey Leyte ug Myla 

Housing assistance alang sa magtiayong Julius ug Myla. 

Binuhing kanding ni Julius nanganak na. 

 

DavNor News

nainggo