TALICUD ISLAND, IGACOS, Davao del Norte-- GINATOS sa mga residente gikan sa barangays Sta Cruz, Cogon, Dadatan ug Linosutan, Talicud Island ang naserbisyohan sa pagbalik sa Oplan TABANG 2022 hatod sa probinsyal nga administrasyon ni Gobernador Edwin “Kuya Gov” Jubahib, Martes, Pebrero 22.

“Dako kaayong kalipay sa provincial government sa Davao del Norte nga makaabot dire sa isla sa Talikud Kani mao ni karon ang main activity karong adlawa ang pagpanghatag serbisyo dire sa katawhan sa isla sa Talikud. Dili na ni bag-o sa inyoha sukad sa paglingkod ni Kuya Gov Edwin Jubahib. . . . . Gusto gyod ni Kuya Gov uban sa mga opisyales nga madala sa mga barangay ang serbisyo para sa katawhan. Nagsugod ta aning Oplan TABANG paglingkod jud ni Kuya Gob isip gobernador way back 2019, matod ni Provincial Administrator Engr. Josie Jean Rabanoz nga nagdala sa mensahe sa gobernador.

Dugang gipadayag sa Provincial Administrator nga kini gayod ang katuyoan sa gobernador nga madala ngadto sa lagyo nga mga dapit ang gikinahanglang serbisyo sa komunidad apan naundang kini dihang miabot ang COVID-19.”

“Unfortunately pagka 2020 miabot si COVID, so naundang tang tanan. Dili na ta pwede magtapok-tapok, dili na ta pwede moanhi mag medical ug dental outreach, mao tong nangita’g programa nga matabangan ang katawhan sa Davao del Norte. Hinggawas nang KAAGAPAY program, KAwsa sa AGrikulturA ug PAnginabuhian sa barangaY, pagtanom og gulay ug pagbuhi og manok. Ang tumong aron dili mahutdan og pagkaon bisag naay pandemic nga atong ginaatubang. . Karon nga mibaba na ang pandemic, Level 2 ang Davao del Norte, gibalik ni Kuya Gov ang Oplan TABANG. So mao ning kamo ang first sa tibuok probinsya nga gipahitaboan sa Oplan TABANG sa 2022. . Iyaha lang gyod gusto ipaabot ni Kuya Gov nga wala siya’y laing tinguha, ang tabangan ang katawhan sa Davao del Norte. . . The fact nga nahimo tang Most Livable Province sa tibuok Pilipinas ug Outstanding Governor ang atoang Kuya Gov sa 2021, nagpamatuod na nga maayo ang iyang pagdala sa probinsya ug dako pod nga nakitang suporta gikan sa katawhan sa atoang probinsya.”

Gihinganlan ni Dr. Alfredo Lacerona ang mga serbisyo nga dala sa Oplan TABANG 2022.

“Klase-klaseng serbisyo medical, dental ug ubang kinahanglang serbisyo sa komunidad ang napaabot sa taga Isla nga naglakip sa gupit, manghatag og wheelchair, tsinelas, consultation, ibot sa ngipon, minor surgery, tuli (circumcision), kung naa mo’y problema sa QR code naay naga-check og QR code, kung walay QR code pwede mokuha, mga seedlings, mga semilya, konsultasyon sa legal ug uban pa.”

Sunod sa Talicud Island ipaabot sab ang Oplan TABANG sa mga distrito sa Kaputian, Peñaplata ug Babak sa tibuok Island Garden City of Samal hangtod sa Marso 1.

**********************///

PHO Dr. Alfredo Lacerona, PSWDO Rosalinda Rapista, PSWD staff Loloy Pamugas ug PHRMO Edwin Palero ang nag-turnover sa wheelchair sa usa ka polio victim. 

Nanghatag sab ang PICKMO ug mga payong

Ang DavNor Provincial Legal Office nagpaabot sa "Tambag Legal? 

Vital signs pinaagi sa pag-check sa blood pressure 

Nasebisyohan ang duha ka anak pinaagi sa libreng tuli.

Senior Citizen nga gihatagan og libreng tambal sa PHO

 

DavNor News

nainggo