KAPUTIAN, IGACOS, Davao del Norte—GIPADUOL na sab ang Oplan TApok sa BArangay Alang sa Nanginahanglan ug Galisod (Oplan TABANG) ngadto sa mga ginatos nga residente sa Kaputian, niini nga syudad Myerkoles, Pebrero 23.

“Ang Oplan TABANG mao ni atong program sukad sa pagsugod nato. Naundang tungod sa pandemic pero karon kay naa na ta sa Level 2, so padayon na nato. . Ang atoang Oplan TABANG mao ni paghatag og medical assistance, dental services, panghatag og mga tsinelas, operation tuli, minor operation ug naa pa ta’y nagkalain-lain nga programs. Kini paningkamotan sa atoang administrasyon para ang katawhan mahatagan gyod og eksaktong serbisyo nga di na kinahanglan moadto pa sa atong mga balay tambalanan sa tuyo nga makapangayo og tabang,” matod ni Gobernador Edwin “Kuya Gov” Jubahib ngadto sa taga Kaputian nga nag-iyahay og linya aron pahimuslan ang mga serbisyo nga ginganlan sa gobernador.

Niining panahona, naghiusa ang pwersa sa IGACOS Veterinarian Office ug DavNor PVO aron serbisyohan ang mga binuhing hayop sa mga taga Kaputian.

Gawas sa Oplan TABANG giboluntaryo sab sa Maranao People Development Center, Inc (MARADECA) ang ilang libreng Chest X-ray services.

“Mismo ang tanang department sa probinsya ug nagkalain-lain national agencies ang nag-anhi sa inyong barangay aron paghatod sa tabang ug makahatag solusyon sa inyong panginabuhian. Busa kini atong ipadayon para ang katawhan, makita ninyo, nga ang gobyerno na mismo ang miduol aron sa paghatag og serbisyo. So magtinabangay ta. . Mga igsoon ko, atong gipaningkamotan nga maserbisyohan nga dili maglisod, kundili ang gobyerno mismo maoy moadto sa inyong tugkaran aron sa paghatag og serbisyo,” dugang pahayag ni Kuya Gov.

“Ang main objective ng MARADECA is makatulong sa community, magbigay nang libreng serbisyo sa ating mga kababayan. As of now relief operations sa bagyong Odette sa Lanao del Sur at Zamboanga, free chest x-ray sa lahat matod sab sa grupo nga nakabase sa Lanao del Sur.

Giapresyar gyod pag-ayo sa daghang taga Kaputian ang hatod-tugkaran nga mga serbisyo.

“Nagpasalamat mi kay hulog langit ang tabang ni Governor Jubahib . . sa medical, x-ray, mga tambal nga among nadawat, akong apo nagpatupi (haircut), mga lugaw dami-dami. . Si Governor Jubahib permanente na moadto sa San Isidro, naa mi manokan sa KAAGAPAY. Kinse mi kabuok, kaduha mi delivery. Nalipay mi, naka-income mi. Salamat kaayo,” matod sa 72 anyos nga si Rita Tagpuno.

“Naa man mi area 100+ Square Meters ug 200 unya wala man siyay gamit, amo na lang tamnan aron mapuslan pod. . . Naa may libro, pwede man sab mag-search sa Goggle. Nindot naa kay sariling punoan nga di na ka mopalit, maka-less gyod ka pananglit molago, advantage kaayo siya sa imoha pwede ra ka mokuha anytime pag naay bunga. Dako kaayo ni siyag tabang kay dili baya tanan maka-afford sa services pareha anang medical check-up kay dili gyod baya tanan adunahan. Dako siyag tabang ilabina karon pandemic,” matod sa 3rd year estudyante nga nagpabakuna sa iro ug nakadawat og mga seedlings gikan sa PAGRO.

Sa unang adlaw sobra 500 ka tawo ang naserbisyohan didto sa Talicud Island samtang sobra 600 ang nakapahimulos sa Kaputian District.

*****************************///