Garbo na sab sa Probinsyal nga Panggamhanan sa Davao del Norte ang walo ka mga Panata Ko sa Bayan awards nga gitunol sa Department of Social Welfare and Development (DSWD) Field Office (FO) sa Rehiyon Onse atol sa kasaulogan sa ika-71 ka tuig sa DSWD nga gipahigayon sa Acacia Hotel, Davao City, Abril 11, tuig 2022.

Gidawat ni Hon. Jorjan Federiso ang mayor sa New Corella ang Gawad sa Paglilingkod sa Sambayanan Award isip Model LGU Implementing KALAHI-CIDSS; ang siyudad sab sa Tagum pinaagi ni CSWDO Officer Sally C. Balili isip Model LGU Implementing Protective Programs and Services ug ang kinatibuk-ang probinsya sa Davao del Norte pinaagi sa Provincial Social Welfare and Development Office (PSWDO) gipasidunggan sa pagka-Model LGU Supporting the Implementation of Pantawid Pamilyang Pilipino Program (4Ps). Gidawat ni Arch. Leomel Puerto ang maong pasidungog isip tinugyanan ni Gov. Edwin I. Jubahib ug PSWDO Officer Rosalinda Rapista.

Ingon man ang Provincial Information Communication and Knowledge Management Office (PICKMO) nga nasakmit ang lima (5) ug mao sab ang pinakadaghang Gawad Ulat awards karong tuiga sa pamunoan ni Dr. Mervin Jay Z. Suaybaguio isip PG Department Head. Karon ang ikaduhang tuig nga nakab-ot sa opisina ang Most Supportive TV Station alang sa PTV Davao del Norte, Most Supportive Radio Station sa DXNR 91.1 FM ug ang Most Supportive Beat Reporter nga titulo sa tibuok Rehiyon Onse nga nagpabilin kay Dr. Mervin Jay Z. Suaybaguio. Duha (2) sab ka awards ang nadugang sa PICKMO—ang Most Supportive

Newspaper alang sa One DavNor News, ang opisyal nga newsletter sa probinsya ug ang Social Media Advocate award sa opisyal sab nga Facebook page sa probinsya, ang One DavNor Network.

Ang mga gipilian sa Panata Ko sa Bayan Awards mao ang mga organisasyon ug mga indibidwal sa tibuok Rehiyon Onse nga dunay nahatag nga dakong kontribusyon sa pagpadangat sa nagkadaiyang serbisyo ngadto sa katawhan ilabi na ang social services.

Nagpasalamat ang mga opisina ug LGU awardees gikan sa Davao del Norte sa pag-barog ni Gov. Edwin “Kuya Gov” I. Jubahib isip ehemplo sa pagkamatinabangon nga nahimo sab nga inspiration sa iyang ginsakupan sa ilang tiunay nga pagpanerbisyo sa katawhan.

Sa laing bahin, atol sa selebrasyon, gidumalahan ni DSWD Secretary, Hon. Rolando Joselito D. Bautista, ang pagpahaluna sa posisyon sa bag-ong Regional Director sa Rehiyon-XI nga mao si Atty. Vanessa B. Goc-ong.

Gipaabot ni Sec. Bautista iyang pasalamat sa tanang partners ug stakeholders sa kinabuk-ang departamento sa DSWD apil na ang probinsya sa Davao del Norte tungod sa kinasing-kasing nga pakig-alayon kanila aron makatabang labi na sa mga kabus o mas nanginahanglan pinaagi sa mga programa ug mga inisyatibo sa probinsya.

Padayon ang DSWD sa paghatod sa mga dekalidad nga serbisyo dili lamang sa kaayohan sa katawhang Dabaonon apan usab sa mas progresibong nasud.