SA pagkapili alang sa ikaduhang termino, gisaad ni reelected Davao del Norte Gobernador Edwin “Kuya Gov” Jubahib ang nasugdan nga mga programa sama sa flood control project, anti-insurgency program, free hospitalization, dugang suporta para sa mga mag-uuma ug ang suporta sa mga negosyante aron daghan ang mamuhunan dinhi sa probinsya.
SA unang termino ni Gobernador Jubahib nakita nga epektibo kaayo ang iyang dredging sa mga bukana sa suba nga mopadulong sa dagat ingon man ang pag-desilting sa mga suba ug kanal hinungdan nga dili na lalom ang tubig kung adunay kusog nga ulan.
Ang zero-billing nga programa (free hospitalization) nga iyang gisugdan Hulyo 1, 2019 nakabenepisyo sa liboan ka mga Dabaonon ilabina ang mga “gagmay” sa katilingban sa probinsya.
Gawas sa nahisgotang mga programa, gipasalig sab ni Kuya Gov nga iyang ipadayon ang KAwsa sa AGrjkulturA ug PAnginabuhian sa barangaY (KAAGAPAY}, ang food-security program sa iyang administrasyon pinaagi’g pagtabang sa mga mag-uuma sa libreng seeds, fertilizers ug ingon man teknolohiya aron molambo ang ilang panginabuhian.
