HUMAN sa sobra duha ka tuig nga ‘virtual meeting’ diha sa mga gadget screen, nag face-to-face na gyod alang sa unang 2022 1st regular meeting ang DavNor Provincial Council on Disability Affairs aron hisgotan ang panginahanglan sa mga Persons With Disabilities (PWDs), Mayo 1, 2022.

Halos kumpleto ang mga membro sa PCDA nga mitambong sa unang 2022 miting nga nagtutok sa edukasyon ug ubang panginahanglan sa PWDs aron mahatagan og sakto nga interbensyon ang mga differently-abled persons sa tibuok probinsya.

Hangtod Marso 2022, ang DavNor adunay 15,204 natala nga mga PWDs diin 6,965 lalaki ug 5,543 niini babae. Apan sa maong gidaghanon, 12,408 lang ang adunay Identification Cards (ID) [6,870 lalaki, 5,538 babae]. Ang Tagum City adunay 2,233 ka mga PWDs .

“We the DepEd could also get the data on the numbers of LWDs kasi we are strengthening the expansion on the implementation of the special education program of our schools in Tagum City in an inclusive setting,” matod ni PWD focal person Edgar Sangalang sa Tagum DepEd Division human nagtaho ang Tagum City focal sa gidaghanon sa PWDs sa syudad. [Learners With Disability (LWD) ang pagtawag sa PWD nga nag-eskwela.]

Ang kaniadto nag-inusara Magugpo Pilot Imelda ES nga nag-cater sa mga PWDs, gipalapad na ngadto sa Visayan Village Elementary School ug ubang eskwelahan lakip ang San Agustin ES.

Sanglit daghan pa nga mga ginikanan ang “maulaw” sa kahimtang sa ilang PWDs, mihangyo ang Tagum DepEd nga suportahan sila sa “Child-Find” activity.

“Advocacy meeting to conduct Child-find activity, coordinate with barangay council, barangay health worker. . . if barangay has data, madali lang sa eskwelahan ang paghanap ng mga batang ito. . . susunod doon ang orientation sa mga parents. . Sana all schools in Tagum City Division ay ma-implement ang exclusive school programs,” padayong paghisgot ni Sangalang.

Gidayeg ni DavNor PSWDO department head Rosalinda Rapista ang paningkamot sa tanang membro labina ang mga advocacy programs sa tanang DavNor DepEd Divisions. Gibutyag sab ni Ms Rapista nga ang administrasyon ni Gobernador Edwin “Kuya Gov” Jubahib padayon nga nagtabang sa mga PWDs lakip na sa paghatag sa mga school supplies, sweldo sa mga teachers ug sa ilang mga ginikanan pinaagi sa Parent Mobilization Action Group (PMAG) nga gidumala sa PSWDO.

“Seguro within this year or next year, atong i-implement together with DepEd since naa na ta’y mga data. . . . we’ll provide school supplies and we’ll also augment especially the transportation sa mga teachers. Plano lang unsaon gyod nato pagpahapsay,” matod ni Ms. Rapista nga naghisgot sab sa linaing panginahanglan sa mga home-bound ug hospital-bound nga mga PWDs.

Atol sa miting, gipangunahan ni DavNor Focal Person on PWDs Affairs Jucylen Lumangtad ang paghisgot sa tinuig PWD Week Celebration matag ikatulong semana sa Hulyo nga i-finalize sa espesyal nga panagtagbo sunod semana. [camera/Ryan O.]