Dako kaayong panalangin ang Women Development Center (WDC) aron matambalan ug mapanalipdan labina ang mga batang babaye nga biktima sa pagpang-abuso.
Gidayeg ni Luisa Ope, Social Worker Officer III sa Standards Bureau sa Department of Social Welfare and Development (DSWD) Central Office, ang Probinsiyal nga Panggamhanan sa Davao del Norte sa paghatag paglaom sa mga biktima aron maayo ug mabalik sila sa ilang normal nga kinabuhi pinaagi sa maong pasilidad.
“Nagpapasalamat ako sa provincial government, lalo na sa ating governor, for this kind of center for the neglected at physically and sexually abused children… Dahil mabibigyan po sila ng pag-asa na despite po sa nangyari sa kanila ay mayroon pa silang inaasahang magandang kinabukasan dahil po sa tulong ng center,” sulti niya.
“Nakita ko po ang paglago ng mga bata, papano sila nahubog ng center na ito yung magandang pag-uugali nila. At natitiyak ko po na hindi lalabas ang mga batang ito na hindi sila empowered,” dugang sa senior nga kawani sa ahensiya.
Si Ope maoy nanguna sa on-site inspection aron sa aplikasyon sa center alang sa level-1 accreditation. Nanghinaut siya nga maapas sa pasilidad ang mga gagmay’ng kakulang niini aron makuha niini ang maong rekisito.
Dul-an sa 300 na ka mga residente ang natabangan sa WDC, nga gitukod sa probinsiya aron kapasilongan ug manalipod sa katungod sa kababayen-an ug kabataan nga miagi sa abusong seksuwal, emosyonal, pisikal ug uban pang matang sa pagpang-abuso.
Apil sab sa mga serbisyo niini ang paghatag og serbisyong legal ug mga pagbansay alang panginabuhian,
Gawas sa iyang lig-on nga suporta sa center, mihatag sab og full-scholarship si Governor Edwin “Kuya Gov” Jubahib sa mga biktima aron makahuman sila pag-eskwela.
Samtang mihangyo si Ope sa mga ginikanan nga bantayan pag-ayo ilang mga anak, nanawagan sab siya sa mga tig-abuso nga respetuhon ang katungod sa kabataan.
“Nais kong paalalahanan ang ating mga ina na dapat po sana ay alagaan nating mabuti ang ating mga anak, lalo na yung maliliit pa. Sana mag-exert po tayo ng effort at magkaroon po tayo ng paggalang sa dignidad ng ating mga anak kasi may mga pangarap sila… Nais ko ring sabihin sa mga nananakit sa mga bata na napakahina po nila. Wala pong kalaban-laban yan. Dapat po ginagalang natin ang kanilang karapatan,” mao’y pagtapos sa senior social worker.
Gikahimamat ni Luisa Ope, evaluator gikan sa DSWD Central Office, too, ang mga batang residente sa Women Development Center, inubanan ni Center Head Jun Elen Agmata.
Kolokabildo ni Luisa Ope, evaluator gikan sa DSWD Central Office sa mga staff sa Women Development Center.
Gisuroy ni WDC Head Jun Elen Agmata sa pasilidad ang mga evaluator gikan sa DSWD Central Office, nga gipangulohan ni Luisa Ope.
