Gidagsa sa mga benepisyaryo ang nagkalain-laing venue sa matag lungsod sa Davao del Norte gikan niadtong Mayo 3-5, 2022 aron i-claim ang payout human sa napulo ka adlaw nilang cash-for-work ubos sa Risk Resiliency Program - Climate Change Adaption and Mitigation sa Department of Social Work and Development.

Kini ang unang batch nga nakahuman sa gi-require nga napulo ka adlawng pagtrabaho may kalambigitan sa climate change mitigation, usa ka paningkamot sa panggamhanan aron bisa’g ginagmay masolusyonan ang kadaut nga nahitabo sa kalibutan, bugti ang P3,960 nga sweldo.

Gawas nga matabangan sa pinansyal, laraw sab sa maong programa nga mapalig-on ang katawhan panahon sa kalamidad.

Matud ni Teodo Rey E. Adorable, DSWD XI Project Development Officer III, Risk Resiliency Program Focal, nga tumong sa programa nga mahimong resilient ang mga katawhan sa Davao del Norte sa bisan unsa mang kalamidad.

“𝘗𝘪𝘯𝘢𝘢𝘨𝘪 𝘯𝘪𝘪𝘯𝘪 𝘯𝘨𝘢 𝘱𝘳𝘰𝘨𝘳𝘢𝘮𝘢, 𝘮𝘢𝘵𝘢𝘨𝘢𝘢𝘯 𝘰𝘨 𝘢𝘸𝘢𝘳𝘦𝘯𝘦𝘴𝘴 𝘢𝘯𝘨 𝘮𝘨𝘢 𝘣𝘦𝘯𝘦𝘧𝘪𝘤𝘪𝘢𝘳𝘪𝘦𝘴, 𝘮𝘢𝘱𝘢𝘴𝘢𝘣𝘰𝘵 𝘴𝘢 𝘪𝘭𝘢𝘩𝘢 𝘬𝘶𝘯𝘨 𝘶𝘯𝘴𝘢 𝘢𝘯𝘨 𝘥𝘪𝘴𝘢𝘴𝘵𝘦𝘳, 𝘶𝘯𝘴𝘢𝘺 𝘬𝘢𝘭𝘢𝘮𝘣𝘪𝘨𝘪𝘵𝘢𝘯 𝘴𝘢 𝘤𝘭𝘪𝘮𝘢𝘵𝘦 𝘤𝘩𝘢𝘯𝘨𝘦, 𝘯𝘢𝘬𝘢-𝘤𝘰𝘯𝘵𝘳𝘪𝘣𝘶𝘵𝘦 𝘣𝘢 𝘴𝘪𝘭𝘢 𝘯𝘪𝘢𝘯𝘪. 𝘜𝘨 𝘬𝘶𝘯 𝘯𝘢𝘬𝘢-𝘤𝘰𝘯𝘵𝘳𝘪𝘣𝘶𝘵𝘦 𝘮𝘢𝘯, 𝘶𝘯𝘴𝘢𝘰𝘯 𝘱𝘶𝘥 𝘯𝘪𝘭𝘢 𝘱𝘢𝘳𝘢 𝘮𝘢𝘣𝘢𝘸𝘢𝘴-𝘣𝘢𝘸𝘢𝘴𝘢𝘯 𝘶𝘨 𝘶𝘯𝘴𝘢 𝘱𝘶𝘥 𝘢𝘯𝘨 𝘳𝘦𝘴𝘶𝘭𝘵𝘢 𝘯𝘪𝘢𝘯𝘪 𝘴𝘢 𝘪𝘭𝘢𝘩𝘢", pagpasabot ni Adorable.

Lakip sa mga na-classify nga trabaho mao ang tree planting, pagpalawom ug paglimpyo sa kanal, ug ang pagpananom og gulay ug pagpanday sa kulongan sa ilang binuhing manok ilawom sa KAAGAPAY program sa probinsyal nga panggamhanan nga milangkob sa 63% sa kinatibuk-ang ihap sa benepisyaryo.

Sukad sa pagkamugna sa programa niadtong 2017, kini ang unang higayon nga gipaagi sa PGLU ang pagpadagan niini aron masigurong molahutay.

"𝘗𝘭𝘢𝘯𝘯𝘪𝘯𝘨 𝘱𝘢 𝘭𝘢𝘯𝘨 𝘥𝘢𝘢𝘯 𝘪𝘯𝘷𝘰𝘭𝘷𝘦 𝘯𝘢 𝘢𝘯𝘨 𝘮𝘨𝘢 𝘯𝘢𝘨𝘬𝘢𝘥𝘢𝘪𝘺𝘢𝘯𝘨 𝘣𝘶𝘩𝘢𝘵𝘢𝘯 𝘴𝘢𝘮𝘢 𝘴𝘢 𝘗𝘌𝘕𝘙𝘖, 𝘗𝘈𝘎𝘙𝘖, 𝘗𝘌𝘖 𝘶𝘨 𝘱𝘢𝘵𝘪 𝘱𝘭𝘢𝘯𝘯𝘪𝘯𝘨 𝘢𝘯𝘥 𝘣𝘶𝘥𝘨𝘦𝘵 𝘰𝘧𝘧𝘪𝘤𝘦𝘳 𝘴𝘢 𝘱𝘳𝘰𝘷𝘪𝘯𝘤𝘦... 𝘋𝘢𝘬𝘰 𝘨𝘺𝘶𝘥 𝘢𝘯𝘨 𝘱𝘢𝘯𝘭𝘢𝘯𝘵𝘢𝘸 𝘴𝘢 𝘢𝘩𝘦𝘯𝘴𝘪𝘺𝘢 𝘬𝘢𝘳𝘰𝘯𝘨 𝘵𝘶𝘪𝘨𝘢 𝘴𝘢 𝘱𝘢𝘨-𝘪𝘮𝘱𝘭𝘦𝘮𝘦𝘯𝘵 𝘴𝘢 𝘱𝘳𝘰𝘨𝘳𝘢𝘮", dugang sa RRP-CCAM Focal.

Lipay kaayo ang mga benepisyaryo gani ang pipila ka mga KAAGAPAY Peoples Organization nakadesider nga mag-amot gikan sa ilang nadawat nga sweldo aron nga mapalambo pa ang ilang nasugdang panginabuhian samtang ang uban ipangpalit og grocery alang sa ilang pamilya.

Ang AKABA Association sa Kapalong, maggahin gikan sa ilang nadawat nga sweldo og tag-P800 aron idugang sa ilang kapital aron ipamalit og farm inputs sama sa abono ug mga gamit pang-uma.

Ingon man usab ang La Filipina Livelihood KAAGAPAY Organization, magdugang sa pondo sa ilang kooperatiba og tag-P1000 aron makatukod og lain na pong negosyo. Ug aron sab makaambit ang tanang miyembro ug lain pang gusto moapil.

Samtang si Aseah P. Valid nga taga-Braulio E. Dujali, usa ka inahan ug asawa, misulti nga iyang ipamalit og mga groceries alang sa ilang panimalay.

Sa kinatibuk-an mikabat sa P19,142,640 ang naapud-apod gikan sa P50-M budget gikan sa DSWD ngadto sa 4,834 nga mga beneficiaries alang sa first batch. Sa higayon nga makompleto na sa sunod nga batch ang ilang napulo ka adlaw nga cash for work, motakda gilayon og iskedyul ang ahensiya alang sa ilang payout.