Sukad sa pagbuto sa pandemya niadtong 2020, mibalik na gayud ang nahunong na unta tinuig nga kompetisyon sa campus journalism sanglit gipahigayon sa Department of Education (DepEd) Region XI ang 2022 Blended Regional Schools Press Conference (RSPC) niadtong Mayo 23-27.

Sa maong blended approach nga kontes sa pagsulat ug pagsibya, ang mga individual events sama sa news writing, sports writing, editorial writing, ug uban pa gipahigayon via online.

Samtang alang sa group events sama sa Radio Broadcasting, TV Broadcasting, ug Collaborative and Desktop Publishing gipahigayon face-to-face sa Davao del Norte Gym ug PTV DavNor Studio.

Subay sa tema nga "Pahayagang Pangkampus: Kaagapay sa Paghilom at Pagbangon ng Sambayanan", gihatagan og gibug-aton ni DepEd Region 11 Director Allan G. Farnazo ang papel sa mga campus journalists sa pagdokumento dili lamang sa kung giunsa pakigbugno sa nasud batok sa COVID-19 sulod sa kapin duha ka tuig, apan ingon man ang kalig-on, response operations, ug ang mga lakang nga gihimo niini aron makabangon pag-usab.

Midalit sab ug mensahe si Governor Edwin “Kuya Gov” Jubahib pinaagi ni Provincial Administrator Josie Jean Rabanoz diin iyang gipadayag ang iyang kalipay sa pakigtambayayong sa DepEd-XI niining maong aktibidad nga nagbansay sa mga student journalists nga mahimong responsableng tigdala og impormasyon.

Writer: Gwyn Kelly O. Lobitos

 

 

 

 

 

DavNor News

nainggo