Malampusong natapos ang pinakaunang Flores de Musa Tagumpay fashion runway sa Tagumpay theatre niadtong Mayo 30, 2022 nga mipabida sa mga disenyo ug obra sa founder ug CEO sa MUSA Fabric na si Joy Soo ug sa mga lokal ug internasyonal na designers nga miapil sab sa MUSA advocacy.
Kahinumduman na ang nag-unang tumong o adbokasiya sa MUSA Fabric mao ang paghatag og maluntarong panginabuhian sa mga Person’s Deprived of Liberty (PDL) ug mga Indigenous People (IP) sa probinsya sa Davao del Norte.
Gisugdan ang kolaborasyon sa MUSA Fabric, DOLE Sunshine company ug Kasilak Development Foundation Incorporated niadtong Abril 27-28, 2022 atol sa gipahigayong pagbansay sa mga IPs sa tribo sa Bukidnon diin nakat-on sila sa proseso sa pagtanggal sa lanot (fiber) sa punoan sa saging nga gikan sa kumpanya sa DOLE sa Valencia.
Ang maong tela na gikan sa banana fiber ang gigamit sa pagtahi ug pagbuhat sa mga sanina nga gisuot sa Flores de Musa Tagumpay fashion runway nga usa sa basehan sa paglunsad sa ilahang kolaborasyon.
Pinaagi sa DOLE Sunshine company na gikonsiderang usa sa pinakadakong plantasyon sa saging sa tibuok kalibutan, mas napalig-on pa ang adbokasiya sa MUSA Fabric na makapatukod og daghan pa’ng MUSA training centers ngadto sa mga hilit nga dapit sa Davao del Norte.
Aduna na pud “global scope” ang MUSA Fabric sanglit naabot na kini sa internasyonal nga entablado sama sa Canada, Australia, New Zealand, Morocco, Singapore, Japan, U.S.A, Thailand ug sa fashion capital sa kalibutan, ang New York City.
Dako sab og kontribusyon sa kalampusan sa MUSA advocacy ang pakig-partner ni Joy Soo sa mga lokal ug internasyonal na designers tungod nadugangan ang mga klase sa produkto sa MUSA fabric na pwede pilian sa mga kustomer.
Kining mga bag-ong disenyo ug barayti sa MUSA, ginganlang House of MUSA, gipasundayag sa Flores de Musa Tagumpay fashion runway nga mao ang Sombrero de Musa ni Gay Aala, Musa de Aretes ni Belle Verano, Musa Obra ni John Cloma, Musa Camisa ni Khishi Soo, MUSA de Costa ni Jessa Camacho, MUSA La Faja ni Cristhel Fraulein, Bebe Musa ni Michael Laguros ug Rhea Wate, Musa Pulsera ni Gwen ug Aira Etang, ug uban pa.
Matod pa ni Joy Soo, sukad pagkabata niya aduna na siya’y pasyon nga ihalad iyahang talento sa arts ngadto sa laing tawo ug sa iyang komunidad aron makabuhat og dakong impak sa kinabuhi sa uban.
“I always have this inclination to share and funnel my passion for arts and entertainment since I was young, going back to creating beautiful experiences and events that create the greatest impact that I could imagine…I also want to share that if you are going to nurture your passion and strengthen it, it would provide a power to make a difference in your life and also in the lives of others and create an impact to them as well. Who could imagine that my simple desire to help my own community created a global desire for others to share as well and spread the causes of the MUSA advocacy,” sulti ni MUSA Fabric Founder Joy Soo.
Gitapos niya ang iyang mensahe pinaagi sa pagpasalamat sa mga tawong nagpaluyo sa kalampusan sa MUSA Fabric advocacy ug pagpahinumdum nga kini nga adbokasiya dili lamang iyaha apan sa tibuok Davao del Norte.
“Today I would like to honor everyone who helped MUSA right from the very beginning to what it is today when I started it during the onset of the pandemic in 2020. I would like to thank the province of Davao del Norte headed by Governor Edwin I. Jubahib, our city of Tagum headed by Mayor Allan Rellon, the Department of Trade and Industry who has always been there for the training of projects for MUSA headed by our PD Romeo Castañada, the Assistant Secretary of DTI Consumer’s group Assec Ronnel Abrenica, the Department of Labor and Employment, Bureau of Corrections this is our show and this is our advocacy. Present also this afternoon are the different tribes of Davao del Norte, the inspiration of MUSA fabric and the Bukidnon tribe who is also our partner through the DOLE Sunshine company, our very generous sponsor. I would like everyone to know that MUSA isn’t just my advocacy but the advocacy of Davao del Norte. Let’s be proud of this,” pagtapos ni Joy Soo.
