Ang pagpalig-on sa mga talentong Dabaonon ug paghatag ug dugang kumpyansa sa kaugalingon alang sa mga kabataan. Kini ang mga nag-unang tumong sa Chief Executive Officer ug Head Coach sa AQC Performing Arts Studio, nga si Ann Quitoriano-Casteel, sa pag-abli pag-usab sa AQC Performing Arts Studio – Tagum niadtong Hunyo 3, 2022.
Ang maong reopening sa studio sa syudad sa Tagum gitambungan sa pipila ka mga daan ug bag-ong enrollees inubanan sa ilang mga ginikanan kinsa pormal nga mipaenroll sa ilang mga anak sa AQC Performing Arts Studio – Tagum.
Sumala ni Casteel, andam ug malipayon siya kauban ang mga coaches sa AQC Performing Arts Studio na ibalik pag-usab ang pagtudlo sa mga kabataan sa Tagum human ang duha ka tuig kapin nga wala nila nahimamat ug natudlui ang mga kabataan tungod sa pandemya.
“First of all, ang mga bata diri sa Tagum daghan diri jud kaayog mga talented na mga individuals so karon nga pwede nata maka operate ako jud gi engganyo ang tanan even akong mga coaches that it’s about time to go back to those kids,” sulti ni Casteel.
Gisaysay sab ni Casteel ang mga serbisyo nga angay atangan sa tanang aspiring enrollees sa AQC Performing Arts Studio – Tagum, lakip niini ang mga bag-ong services nga dala nila alang sa mga kabataan.
“Ang AQC well-known jud ta for our voice lessons, naa tay dance lessons, we also have instruments na pwede ka mag learn sa guitar, pwede ka mag learn ug keyboard, as well as drums, also, we introduced a new classes, dance port naa nata, of course pageantry ang modeling by ma’am Joy Soo the Musa family so I’m partnering with them with the pageantry and modeling class so hopefully kana tanan ma expect ninyo na also we put up tanan nato na gina himo, every three months naga concert gihapon ta but every six months we have our very own na awards night para sa mga bata so that ma validate jud nato ang mga talents sa mga bata sa Davao del Norte,” dugang niya.
Si Musa Advocacy Founder, Joy Soo, kinsa partner ni Casteel alang sa Pageantry and Modeling classes sa AQC – Tagum, gisaysay ang posibleng mamahimong epekto sa reopening sa AQC – Tagum sa mga kabataang Dabaonon.
“Sa pag open namo sa AQC performing Arts Studio, mas dako ang among ma contribute sa atong mga students. Why? Because during the pandemic, we learned to connect not only with the national people na involved sa arts and entertainment but also sa international. Especially that we have fashion shows in the U.S, in London, in Canada, these will create so much impact to all our students kay mas maka participate sila ani,” sulti niya.
Kahinumduman nga sa wala pa magsugod ang pandemya, malampuson na nga naga operate ang AQC Performing Studio - Tagum, inubanan sa main branch niini sa Panabo City ug pati sab sa Davao City nga adunay daghang gidaghanon sa mga enrollees, shows, ug concerts nga nahimong nindot nga plataporma alang sa mga kabataan nga mapasigarbo sa tibuok kalibutan ang ilang nagkadaiyang mga talento.
Sa kasamtangan, gisugdan na ang mga klase sa AQC – Tagum ug padayon gihapon silang gadawat ug mga enrollees. Sa gusto nga mamahimong kabahin niini, bisitaa lang ang AQC Performing Arts Studio – Tagum nga abri gikan Alas 10 sa buntag hantod 9 sa gabii sa level 3, sa Robinsons Place Tagum City.
