Beinte-uno ka adlaw usa siya manaog sa posisyon isip pagkapangulo, mibisita si Pangulong Rodrigo Duterte sa Lalawigan si Davao del Norte, sakay ang iyang Can-Am Ryker sporty three-wheeled motorcycle.
Gisugat siya nila Governor Edwin “Kuya Gob” Jubahib, 1st District Congressman Pantaleon Alvarez, outgoing Vice Governor Rey Uy ug incoming Vice Governor De Carlo Uy ug giubanan nila kini alang sa sayo nga panihapon sa Arman’s Tagum Restaurant, kuyog ang uban pang mga opisyales.
Miyerkules sa hapon, nasorpresa ug nalipay ang katawhang Dabaonon nga makita ang presidente sa iyang pag-motor-motor sa mga highway sa Panabo City, Carmen ug Tagum City, uban ang Presidential Security Guard ug ubang opisyal nga nagsakay usab sa motorsiklo.
Isip nailhan nga hilig kaayo sa motor, misulti ang outgoing president sa iyang pipila ka mga pagpamulong sa una nga mobalik siya sa pagsuroy-suroy sa kadalanan aron pagsikop sa mga criminal human sa iyang termino.
