HUMAN sa duha ka tuig “virtual” nga pag-atubangay diha sa mga gadget screen, nag f2f [face to face] ra gyod ang halos 550 ka mga Child Development Teachers (CDT) kun Day Care Workers Byernes, Hunyo 10.

“We are celebrating the 32nd Day Care Workers Day with the theme: “Child Development Workers Ako, Katuwang ng mga Kabataan, Pag-asa ng Bayan, May Pandemya man o Wala.” So ang atong theme is very much related since for two years wala ta ka-celebrate og face-to-face Day Care Workers Day,” matod ni Provincial Social Welfare Development Office department head Rosalinda Rapista.

Apan bisan gidili ang pisikal nga klase sulod sa maong gidugayon naningkamot pag-ayo ang mga Day Care Workers nga mahimo ang ilang buluhaton.

“And we know for a fact naningkamot gihapon kita mga teachers nga bisan sa pandemya nagahatag kita og mga estratehiya or interventions nga ato gihapong ma-reach out ang atong mga kabataan. Nagahatag kita og mga modules ug ginabisita gihapon nato ang atong mga kabataan. That is a very challenging task nga gina-perform ninyo para lang mahatag ang matun-an sa atong kabataan. For that we are very much thankful and very much appreciated ang inyohang role as Day Care teachers nga bisan sa pandemya anaa gihapon kita,” pag-apresyar sa PSWDO head nga nagpahibalo sa pasalig ni Gobernador Edwin “Kuya Gov” Jubahib kauban ang provincial officials nga anaa kanunay motabang para sa kalamboan Early Child Education.

Sa iyang mensahe giapresyar pag-ayo ni Kuya Gov ang dedikasyon sa mga Day Care Workers nga gipaabot ni Executive Assistant Anselmo Juinio.

“Mapasalamaton ko sa dedikasyon sa inyong katungdanan sa pagtudlo sa atong gagmay’ng kabataan bisan pa taliwala sa pandemya. My administration will continue to put premium on education to ensure the bright future for our young and break the cycle of poverty. We made sure that our educational program and projects as well the learnings and development of our children are not hampered during the health crisis,” matod sa mensahe ni Kuya Gov ngadto sa mga CDT.

“Ing-ana ka importante ang inyong papel isip mga Child Development Teachers or Workers. Ako nakadayeg sa inyong kakugi ug katakos sa inyong trabaho. Dili sayon ang pagbantay ug pagtudlo sa mga lihokan nga mga bata. Bisan pa man sa kagamay sa inyong mga suweldo ug ang uban kaninyo galisod tungod sa kalayo, sa gihapon kamo milahutay. Ug bisan sa kahago sa pagprinta ug pag-follow up sa mga modules, kamo nagpabilin gihapon nga matinud-anon,” padayong apresasyon ni Kuya Gov.

Kay naglantaw sa kaayohan sa 550 Day Care Workers nga nag-atiman sa 23,000 enrollees alang sa kalamboan sa Early Childhood Education gipahibalo sa mensahe ang aprobado nga Provincial Ordinance nga maghatag P12,000 tinuig honorarium sa tanang CDTs.

“We understand the many issues and challenges that you face. That is why, we continue to improve the mechanisms vital to the welfare and development of our CDTs and CDWs. I am happy that we have already approved the Provincial Day Care Workers Code, which promises you higher honorarium, among other benefits and privileges that you deserve.”

Gipangunahan ni Board Member Nickel Suaybaguio kauban ang tibuok DavNor SP sa pagpanday ug pagpasar sa maong balaodnon.

Ang kasaulogan sa ika-32 CDT/Workers Day sa probinsya gitiman-an ug kasadya uban ang paghatag pasidungog niadtong mga Day Care Workers nga nakaabot ug 30, 25, 20, 10, ug bisan lima ka tuig nga serbisyo.

********************///

 

 

 

DavNor News

nainggo