Nagdala og kahinam sa mga Dabaonon ang pagbalik sa Binibining Davao del Norte ilabi na ang mga aktibidades nga gipahigayon aron mas ma-endorso ang prestihiyosong beauty pageant, human sa duha ka tuig nga pagpa-undang niini tungod sa pandemya.
Kahinumduman nga si Gobernador Edwin “Kuya Gov” Jubahib napugos sa pagsuspende sa maong kompetisyon niadtong 2020 subay sa pandemic protocols ug pagkonsiderar sa panglawas ug kahilwasan sa mga kontestant.
Sa pagbalik niini, sugod sa Screening and Assemblage padulong sa Swimsuit Competition, nagpakita na og dakong interes ug suporta ang mga mananan-aw maong gipaningkamotan sa mga tigpasiugda sa beauty pageant nga mapadayon ug mamintinar ang “hype” sa Binibining DavNor pinaagi sa live Press Presentation niadtong June 18, 2022 sa Capitol Pavilion.
Ang Press Presentation naghatag og higayon diin mas mapa-ilaila ang nagkada-iyang personalidad sa 22 ka mga kandidata pinaagi sa pagtubag og mga pangutana gikan sa mga gi-imbitang media partners ug mga netizens.
Atol sa Binibining DavNor Press Presentation, adunay oportunidad ang mga Questioner o Enquirer (tigpangutana) na mupili og kandidata nga gusto nila mutubag ug aduna sab mga pangutana na gitugutan ang mga kandidata na magboluntaryong muhatag og tubag aron mas ma-ekspos pa sila ug makahakot pa og daghang supporters.
Gaan lang ang mga pangutanang gihatag sa mga kandidata sama sa, “What is One Davnor, One Team for you?” (unsa ang One Davnor One Team para sa imoha?) o “How different would the world be if women were to rule the world?” (Unsa kalahi ang kalibutan kung kababaihan ang magmando niini?), aron mahimong komportable sila ug mas mapagawas ilahang uniqueness (pagkatalagsaon) ug ilahang pagka-witty (pagkamuot).
Ang mga nitambong na media partners nag gikan sa Barangay FM 103.5 Davao ang vlogger na si Vincent Bernales o Papa Vince, Philippine Information Agency-Davao del Norte, DXNR Radio 91.1, PTV Davnor, One Davnor News, ug representante gikan sa Dr. Wong Skin Lightening System by International Pharmaceuticals Incorporated.
Anaa sab nagpakita og suporta ang mga representante sa municipal/city tourism and information offices gikan sa Panabo, Asuncion, Kapalong, Talaingod, Santo Tomas, Provincial Tourism Officer Dr. Noel Daquioag, ug Provincial Information Officer ug Binibining Davao del Norte 2022 Pageant Chairman Dr. Mervin Jay Suaybaguio.
