Giawhag ni Kuya Gov Edwin I. Jubahib, ang mga kapulisan sa pagtabang kaniya aron maimplementar ang mass vaccination dinhi sa probinsya.
Kini ang gibutyag sa Gobernador, atol sa iyang pagtambong sa 27th Police Community Relations Month Celebration, niadtong Hulyo 11, 2022, sa Police Provincial Headquarters, National Highway, Tagum City.
Gisaysay sa Gobernador, nga gipatawag siya ni Department of Interior and Local Government (DILG) Secretary Benjamin “Benhur” Abalos Jr., didto sa kaulohang Manila niadtong Hulyo 15, ning tuiga, kauban ang mga hepe ehekutibo sa nagkadaiyang probinsya og kalungsoran dinhi sa nasud, nga nimando sa pagpahigayo'g usa ka gatos porsento nga pagbakuna.
Tungod niini, personal nga gihangyo sa Gobernador si Police Provincial Director P/Col. Antonio D. Alberio Jr., nga magtinabangay sila sa implementasyon sa mass vaccination.
“𝘜𝘮𝘱𝘪𝘴𝘢 𝘵𝘩𝘪𝘴 𝘮𝘰𝘯𝘵𝘩..𝘮𝘰𝘯𝘵𝘩 𝘰𝘧 𝘑𝘶𝘭𝘺 𝘪𝘱𝘢𝘵𝘶𝘵𝘶𝘱𝘢𝘥 𝘯𝘢𝘵𝘪𝘯 𝘢𝘯𝘨 𝘮𝘢𝘴𝘴 𝘷𝘢𝘤𝘤𝘪𝘯𝘢𝘵𝘪𝘰𝘯 𝘧𝘰𝘳 100% 𝘷𝘢𝘤𝘤𝘪𝘯𝘢𝘵𝘦𝘥 𝘱𝘦𝘰𝘱𝘭𝘦 𝘪𝘯 𝘰𝘶𝘳 𝘱𝘳𝘰𝘷𝘪𝘯𝘤𝘦, 𝘬𝘢𝘺𝘢 𝘬𝘢𝘪𝘭𝘢𝘯𝘨𝘢𝘯 𝘬𝘰 𝘢𝘯𝘨 𝘪𝘯𝘺𝘰𝘯𝘨 𝘵𝘶𝘭𝘰𝘯𝘨 𝘱𝘢𝘳𝘢 𝘮𝘢𝘪𝘱𝘢𝘵𝘶𝘱𝘢𝘥 𝘯𝘢𝘵𝘪𝘯 𝘪𝘵𝘰 𝘯𝘨 𝘢𝘨𝘢𝘳𝘢𝘯 𝘢𝘵 𝘮𝘢𝘴 𝘮𝘢𝘣𝘪𝘭𝘪𝘴. 𝘛𝘰 𝘰𝘶𝘳 𝘱𝘰𝘭𝘪𝘤𝘦 𝘥𝘪𝘳𝘦𝘤𝘵𝘰𝘳..𝘮𝘢𝘨𝘵𝘪𝘯𝘢𝘣𝘢𝘯𝘨𝘢𝘺 𝘵𝘢 𝘢𝘯𝘪, 𝘨𝘪𝘬𝘪𝘯𝘢𝘩𝘢𝘯𝘨𝘭𝘢𝘯 𝘯𝘢𝘬𝘰 𝘢𝘯𝘨 𝘱𝘸𝘦𝘳𝘴𝘢 𝘴𝘢 𝘬𝘢𝘱𝘶𝘭𝘪𝘴𝘢𝘯 𝘱𝘢𝘳𝘢 𝘯𝘨𝘢 𝘢𝘵𝘰𝘯𝘨 𝘮𝘢𝘱𝘢 𝘷𝘢𝘤𝘤𝘪𝘯𝘦 𝘢𝘯𝘨 𝘢𝘵𝘰𝘯𝘨 𝘮𝘨𝘢 𝘬𝘢𝘪𝘨𝘴𝘰𝘰𝘯𝘢𝘯 𝘯𝘨𝘢 𝘸𝘢𝘭𝘢 𝘱𝘢 𝘯𝘢𝘩𝘢𝘵𝘢𝘨𝘢𝘯 𝘰𝘨 𝘷𝘢𝘤𝘤𝘪𝘯𝘦, 𝘬𝘢𝘵𝘰𝘯𝘨 𝘯𝘢𝘬𝘢 𝘷𝘢𝘤𝘤𝘪𝘯𝘦 𝘬𝘪𝘯𝘢𝘩𝘢𝘯𝘨𝘭𝘢𝘯 𝘮𝘢𝘨𝘱𝘢 𝘣𝘰𝘰𝘴𝘵𝘦𝘳, 𝘵𝘸𝘰 𝘴𝘩𝘰𝘵𝘴 𝘱𝘢𝘳𝘢 𝘯𝘨𝘢 𝘮𝘢𝘴 𝘮𝘢𝘩𝘪𝘮𝘰𝘯𝘨 𝘴𝘢𝘧𝘦𝘵𝘺…𝘮𝘢 𝘥𝘦𝘤𝘭𝘢𝘳𝘦𝘥 𝘯𝘢𝘵𝘰 𝘯𝘢 𝘤𝘰𝘷𝘪𝘥-19 𝘧𝘳𝘦𝘦 𝘢𝘯𝘨 𝘋𝘢𝘷𝘢𝘰 𝘥𝘦𝘭 𝘕𝘰𝘳𝘵𝘦,” mensahe ni Kuya Gov sa maong okasyon.
Kahibaloan, base sa datus sa DavNor Provincial Health Office, Hulyo 13, nakab-ot na sa probinsya ang 79.4% sa first dose ug 71% alang sa second dose nga nagpasabot lamang nga naabot na ang “herd immunity” [70%] sa angayan (eligible) nga populasyon nga bakunahan nga 863,163 ka tawo.
Atol sa maong selebrasyon, gipahigayon usab ang pagpanumpa sa mga bag-ong opisyales sa Kabataan Kontra Droga at Terrorismo kon KKDAT, nga nagagikan sa nagkadaiyang bahin ning probinsya. Ang KKDAT usa ka programang nagpromotar sa kalinaw og nagpahilayo sa mga kabatan-onan sa pagamit sa ginadiling droga. Naghatag sab kini'g mga seminar aron mabatokan ang mga pagpanglingla sa mga sakop sa communist terrorist organizations (CTGs).
Gidayeg sab ni Kuya Gov ang mga kapulisan, sa kanunayng paghatag sa ilang katakus sa pagserbisyo ngadto sa mga katawhan. Hinungdan nga nakaankon kini og haruhay, malinawon ug malipayong pamuyo nga walay gikahadlukan. Siya nanghinaut nga ang mga katawhan og mga kapulisan kanunayng magsinabtanay aron ang dagan sa kabag-ohan og kalambuan matagamtaman sa tanan.
Sa susamang selebrasyon, nanaad si Kuya Gov ngadto sa mga personahe og opisyales sa Phiplippine National Police, nga iyang pahimuan og covered court aron makadula sila sa bisan unsang oras nga ilang gusto. Dugang pa niya, nga iyang ihatag kanila ang tanang supporta kutob sa iyang mahimo.
