Nagpunsisok ang mga katawhan sa duha ka adlawng Go Kanegosyo Presyo Diskwento Karavan, nga gipahigayon niadtong Hulyo 15 hangtud 16, 2022 sa Atrium, New City Hall, Tagum City, aron sa pagpamalit sa mga baratong produkto.
Gatusan ka mga katawhan ang naglumbaanay sa pagpangita sa mga nagkadaiyang grocery products, kitchen ware ug uban pa, nga dunay 50% nga diskwento.
Gipangunahan sa Department of Trade and Industry (DTI) – Davao del Norte ang maong programa, uban sa pagkig-alayon sa Public Education and Employment Services Office (PEESO) Tagum City ug sa NCCC Supermarket uban sab ang 41 ka mga manufacturers, nga maoy nagdala sa mga produkto ug gibaligya agi’g ‘buy 1 take 1’ o hangtud 50% diskwento.
Nagdalit sab sila’g mga instant games ug mga papremyo. Samtang libreng gupit, manicure, pedicure, ug masahe ang napahimuslan sa mga konsumante nga nakapalit og dili moubos P500 kantidad sa usa ka resibo.
Sumala ni Jezza Damada, Assistant Vice President for Supermarket sa NCCC, nga ilang gihimo ang maong aktibidad aron makatabang sa mga gagmayng negosyante particular na ang mga sari-sari store owners kinsa apektado sa pagtaas sa presyo gumikan sa inflation.
“𝘎𝘰 𝘬𝘢𝘯𝘦𝘨𝘰𝘴𝘺𝘰 𝘬𝘢𝘳𝘢𝘷𝘢𝘯, 𝘮𝘢𝘰 𝘯𝘪 𝘢𝘯𝘨 11𝘵𝘩 𝘨𝘰 𝘬𝘢-𝘯𝘦𝘨𝘰𝘴𝘺𝘰 𝘥𝘪𝘳𝘪 𝘴𝘢 𝘛𝘢𝘨𝘶𝘮. 𝘎𝘪𝘩𝘪𝘮𝘰 𝘯𝘪 𝘴𝘪𝘺𝘢 𝘱𝘢𝘳𝘢 𝘯𝘢𝘢 𝘨𝘺𝘶𝘺 𝘥𝘢𝘨𝘥𝘢𝘨 𝘬𝘪𝘵𝘢 𝘱𝘢𝘳𝘢 𝘴𝘢 𝘢𝘵𝘰𝘯𝘨 𝘮𝘨𝘢 𝘴𝘢𝘳𝘪-𝘴𝘢𝘳𝘪 𝘴𝘵𝘰𝘳𝘦 𝘰𝘸𝘯𝘦𝘳𝘴 𝘰𝘨 𝘶𝘣𝘢𝘯 𝘱𝘢𝘯𝘨 𝘮𝘨𝘢 𝘬𝘢-𝘯𝘦𝘨𝘰𝘴𝘺𝘰… 𝘈𝘧𝘵𝘦𝘳 𝘯𝘢𝘨𝘴𝘶𝘨𝘰𝘥 𝘢𝘯𝘨 𝘱𝘢𝘯𝘥𝘦𝘮𝘪𝘤 𝘯𝘢𝘸𝘢𝘭𝘢 𝘯𝘪 𝘴𝘪𝘺𝘢 𝘬𝘢𝘥𝘢𝘭𝘪. 𝘎𝘪𝘣𝘢𝘭𝘪𝘬 𝘨𝘺𝘶𝘥 𝘯𝘪 𝘯𝘢𝘵𝘰 𝘱𝘢𝘳𝘢 𝘮𝘢𝘬𝘢𝘴𝘶𝘱𝘰𝘳𝘵𝘢 𝘴𝘢 𝘢𝘵𝘰𝘯𝘨 𝘮𝘨𝘢 𝘬𝘢-𝘯𝘦𝘨𝘰𝘴𝘺𝘰 𝘱𝘢𝘳𝘵𝘯𝘦𝘳𝘴,” pagsaysay ni Damada.
Dako ang kalipay sa usa ka sari-sari store owner nga si Bernard Lonzaga, molupyo niining siyudad; tungod sa gipahitabong presyo diskwento caravan, mas motaas pa ang kita sa iyang tindahan.
“𝘕𝘪𝘯𝘥𝘰𝘵 𝘬𝘢𝘢𝘺𝘰 𝘰𝘨 𝘮𝘢𝘬𝘢𝘵𝘢𝘣𝘢𝘯𝘨 𝘴𝘢 𝘮𝘨𝘢 𝘵𝘢𝘸𝘰 𝘭𝘢𝘣𝘪 𝘯𝘢 𝘴𝘢 𝘢𝘮𝘰𝘢 𝘯𝘨𝘢 𝘨𝘪𝘯𝘢𝘨𝘮𝘢𝘺 𝘭𝘢𝘯𝘨 𝘯𝘨𝘢 𝘵𝘪𝘯𝘥𝘢𝘩𝘢𝘯 𝘱𝘦𝘳𝘰 𝘢𝘵 𝘭𝘦𝘢𝘴𝘵 𝘯𝘢𝘢𝘺 𝘥𝘢𝘬𝘰𝘯𝘨 𝘵𝘢𝘣𝘢𝘯𝘨 𝘢𝘭𝘢𝘯𝘨 𝘴𝘢 𝘢𝘮𝘰𝘢. 𝘋𝘢𝘨𝘩𝘢𝘨’ 𝘧𝘳𝘦𝘦… 𝘣𝘢𝘳𝘢𝘵𝘰 𝘬𝘢𝘢𝘺𝘰 𝘢𝘯𝘨 𝘴𝘢𝘭𝘦 𝘬𝘢𝘳𝘰𝘯 𝘯𝘨𝘢 𝘨𝘪𝘱𝘢𝘯𝘨𝘣𝘢𝘭𝘪𝘨𝘺𝘢… 𝘋𝘢𝘨𝘩𝘢𝘯 𝘬𝘢𝘢𝘺𝘰 𝘬𝘰’𝘨 𝘯𝘢𝘬𝘰𝘮𝘱𝘳𝘢… 𝘋𝘢𝘬𝘰-𝘥𝘢𝘬𝘰 𝘨𝘺𝘶𝘥 𝘬𝘰’𝘨 𝘮𝘢𝘨𝘪𝘯𝘢𝘯𝘴𝘺𝘢 𝘴𝘢 𝘢𝘬𝘰𝘯𝘨 𝘵𝘪𝘯𝘥𝘢𝘩𝘢𝘯,” sulti ni Lonzaga nga gipuno ang lima ka karts nga mokantidad dul-an P40 mil.
Matud ni Department of Industry (DTI) Provincial Director Romeo L. Castañaga, CESO V, nga ilang gihimo ang maong programa aron makahatag sa mga produkto ug serbisyo nga accessible alang sa mga konsumante, kini sab aron pagsiguro nga dunay insaktong supply nga affordable sa tanan.
“𝘒𝘢𝘯𝘢𝘯𝘨 𝘱𝘳𝘦𝘴𝘺𝘰 𝘥𝘪𝘴𝘬𝘸𝘦𝘯𝘵𝘰 𝘤𝘢𝘳𝘢𝘷𝘢𝘯, 𝘪𝘴𝘢 𝘴𝘢 𝘮𝘨𝘢 𝘱𝘳𝘰𝘨𝘳𝘢𝘮𝘢 𝘴𝘢 𝘋𝘦𝘱𝘢𝘳𝘵𝘮𝘦𝘯𝘵 𝘰𝘧 𝘛𝘳𝘢𝘥𝘦 𝘢𝘯𝘥 𝘐𝘯𝘥𝘶𝘴𝘵𝘳𝘺 𝘱𝘢𝘳𝘢 𝘮𝘢𝘬𝘢𝘩𝘢𝘵𝘢𝘨 𝘱𝘳𝘰𝘥𝘶𝘬𝘵𝘰 𝘶𝘨 𝘮𝘨𝘢 𝘴𝘦𝘳𝘷𝘪𝘤𝘦𝘴 𝘯𝘨𝘢 𝘢𝘤𝘤𝘦𝘴𝘴𝘪𝘣𝘭𝘦 𝘱𝘢𝘳𝘢 𝘴𝘢 𝘢𝘵𝘰𝘯𝘨 𝘮𝘨𝘢 𝘬𝘰𝘯𝘴𝘶𝘮𝘢𝘯𝘵𝘦. 𝘜𝘯𝘺𝘢 𝘬𝘢𝘺 𝘱𝘳𝘦𝘴𝘺𝘰 𝘥𝘪𝘴𝘬𝘸𝘦𝘯𝘵𝘰 𝘮𝘢𝘯 𝘴𝘰 𝘥𝘪𝘴𝘤𝘰𝘶𝘯𝘵𝘦𝘥. 𝘚𝘰 𝘨𝘪𝘯𝘢𝘵𝘢𝘯-𝘢𝘸 𝘯𝘢𝘵𝘰 𝘯𝘨𝘢 𝘯𝘢𝘢𝘺 𝘢𝘷𝘢𝘪𝘭𝘢𝘣𝘭𝘦 𝘴𝘶𝘱𝘱𝘭𝘺 𝘢𝘵 𝘴𝘢𝘬𝘢 𝘢𝘧𝘧𝘰𝘳𝘥𝘢𝘣𝘭𝘦 𝘱𝘢𝘳𝘢 𝘴𝘢 𝘢𝘵𝘰𝘯𝘨 𝘮𝘨𝘢 𝘤𝘰𝘯𝘴𝘶𝘮𝘦𝘳𝘴,” asoy sa DTI provincial director.
Suportado ni Kuya Gov Edwin I. Jubahib, ang tanang programa sa DTI nga nagpromotar sa pagpalambo sa negosyo sa probinsya. Tungod niini, naangkon sa DavNor ang kadaugan isip Most Business-Friendly (MBF) local government unit sa tuig 2019, samtang nagpabilin sa top 10 finalist sa MBF awards sa 2020 ug 2021. Sagunson usab nga nahimong Overall 2nd Most Competitive Province sa mga tuig 2020 ug 2021, ug nagpabilin kini nga Most Competitive Province sa tibuok Mindanao.
