Mokabat sa onse (11) ka mga barangay sa probinsya sa Davao del Norte gideklarang "drug cleared" na sa PDEA-XI atol sa Regional Oversight Committee on Barangay Drug Clearing (ROCBDC) nga gipahigayon sa Pavilion, DNSTC, Provincial Capitol niadtong Hulyo 19, 2022.
Sakop sa tulo ka mga siyudad ug usa ka lungsod niining probinsya ang mga deklaradong barangay nga mao ang barangay Cogon, Dadatan, Linosutan ug Sta. Cruz sa Island Garden City of Samal; Barangay Casig-ang, New Katipunan, Kimamon ug Cogongon sa lungsod sa Sto. Tomas; Barangay San Nicolas ug Upper Licanan sa siyudad sa Panabo; ug Barangay Liboganon sa Tagum City.
Sumala sa PDEA-XI nakapasar ang mga barangay sa mga rekisitos ug dokumento nga gisumite ngadto sa ROCBDC human miagi sa hugtanong pagsusi ug pagtuon sa mga naglangkob sa panel sa ROCBDC sama sa PRO, DILG, PDEA ug DOH.
Unod sa maong mga dokumento ang mga programa ug kalihokan kalabot sa solusyon ug pag-implementa sa mga programa sa Barangay Anti-Drugs Abuse Council (BADAC) ngadto sa tagsa-tagsa ka barangay.
Gibutyag ni PDEA Regional Director Aileen T. Lovitos nga usa sa ilang gibasehan sa pagdeklarang cleared barangay kung wala kini suplay sa droga ug uban pang mga rekisitos nga gikinahanglan sa Dangerous Drugs Board (DDB).
“𝘚𝘪𝘺𝘦𝘮𝘱𝘳𝘦 𝘪𝘴𝘢 𝘴𝘢 𝘮𝘨𝘢 𝘣𝘢𝘴𝘪𝘴 𝘪𝘴 𝘰𝘧 𝘤𝘰𝘶𝘳𝘴𝘦 𝘯𝘰𝘯-𝘢𝘷𝘢𝘪𝘭𝘢𝘣𝘪𝘭𝘪𝘵𝘺 𝘰𝘧 𝘥𝘳𝘶𝘨𝘴 𝘴𝘢 𝘪𝘴𝘢 𝘬𝘢 𝘣𝘢𝘳𝘢𝘯𝘨𝘢𝘺. 𝘈𝘯𝘥, 𝘰𝘧 𝘤𝘰𝘶𝘳𝘴𝘦, 𝘬𝘪𝘯𝘢𝘩𝘢𝘯𝘨𝘭𝘢𝘯 𝘱𝘶𝘥 𝘯𝘨𝘢 𝘯𝘢𝘢 𝘵𝘢𝘺 𝘤𝘰𝘮𝘮𝘶𝘯𝘪𝘵𝘺-𝘣𝘢𝘴𝘦𝘥 𝘳𝘦𝘩𝘢𝘣𝘪𝘭𝘪𝘵𝘢𝘵𝘪𝘰𝘯𝘴 𝘢𝘯𝘥 𝘢𝘩… 𝘶𝘣𝘢𝘺-𝘶𝘣𝘢𝘺 𝘱𝘶𝘥 𝘯𝘨𝘢 𝘳𝘦𝘲𝘶𝘪𝘳𝘦𝘮𝘦𝘯𝘵𝘴 𝘯𝘨𝘢 𝘯𝘢𝘢 𝘴𝘢 𝘋𝘉𝘉 𝘳𝘦𝘨𝘶𝘭𝘢𝘵𝘪𝘰𝘯,” pahayag ni PDEA-XI RD Lovitos.
Ang DILG usab nagsugyot nga angayan lamang nga adunay igong pondo ang mga kabarangayan labi na ang BADAC alang sa pagpatuman sa ilang mga programa. Si DILG-XI ADAC Regional Focal Person Afif Ambor nipabor sa pag-aproba sa onse ka mga naasoy’ng dapit gumikan kay ang mga nahisgutan nga mga barangay naka-“comply” sa mga gikinahanglan sa ROCBDC.
“𝘚𝘦𝘦𝘪𝘯𝘨 𝘢𝘭𝘭 𝘵𝘩𝘦 𝘥𝘰𝘤𝘶𝘮𝘦𝘯𝘵𝘴 𝘨𝘢𝘯𝘪𝘩𝘢 𝘯𝘨𝘢 𝘨𝘪𝘱𝘳𝘦𝘴𝘦𝘯𝘵 𝘴𝘢 𝘢𝘵𝘰 𝘬𝘢𝘺 𝘴𝘢 𝘋𝘐𝘓𝘎 𝘢𝘯𝘨 𝘨𝘪𝘯𝘢𝘵𝘢𝘯-𝘢𝘸 𝘯𝘢𝘮𝘰 𝘬𝘶𝘯𝘨 𝘤𝘳𝘦𝘢𝘵𝘦𝘥 𝘣𝘢 𝘢𝘯𝘨 𝘪𝘭𝘢𝘯𝘨 𝘉𝘢𝘳𝘢𝘯𝘨𝘢𝘺 𝘈𝘯𝘵𝘪-𝘋𝘳𝘶𝘨𝘴 𝘈𝘣𝘶𝘴𝘦 𝘊𝘰𝘶𝘯𝘤𝘪𝘭 (𝘉𝘈𝘋𝘈𝘊), 𝘮𝘪𝘺𝘦𝘮𝘣𝘳𝘰 𝘣𝘢 𝘴𝘪 𝘬𝘢𝘱𝘪𝘵𝘢𝘯 𝘢𝘴 𝘵𝘩𝘦 𝘤𝘩𝘢𝘪𝘳𝘱𝘦𝘳𝘴𝘰𝘯 𝘰𝘧 𝘉𝘈𝘋𝘈𝘊 𝘶𝘨 𝘨𝘪𝘯𝘢𝘪𝘮𝘱𝘭𝘦𝘮𝘦𝘯𝘵𝘢 𝘣𝘢 𝘯𝘪𝘺𝘢 𝘢𝘯𝘨 𝘪𝘺𝘢𝘯𝘨 𝘱𝘳𝘰𝘨𝘳𝘢𝘮𝘴 𝘶𝘨 𝘨𝘪𝘯𝘢-𝘰𝘳𝘪𝘦𝘯𝘵 𝘣𝘢 𝘯𝘪𝘺𝘢 𝘢𝘯𝘨 𝘪𝘺𝘢𝘯𝘨 𝘮𝘨𝘢 𝘣𝘢𝘳𝘢𝘯𝘨𝘢𝘺 𝘧𝘶𝘯𝘤𝘵𝘪𝘰𝘯𝘢𝘳𝘪𝘦𝘴. 𝘚𝘰, 𝘯𝘢𝘬𝘪𝘵𝘢 𝘯𝘢𝘵𝘰 𝘨𝘢𝘯𝘪𝘯𝘢 𝘯𝘨𝘢 𝘵𝘢𝘯𝘢𝘯 𝘮𝘢𝘯 𝘯𝘨𝘢 𝘮𝘨𝘢 𝘥𝘰𝘤𝘶𝘮𝘦𝘯𝘵𝘴 𝘷𝘦𝘳𝘺 𝘤𝘰𝘮𝘱𝘭𝘪𝘢𝘯𝘵 𝘢𝘯𝘨 𝘪𝘭𝘢𝘯𝘨 𝘨𝘪𝘱𝘢𝘬𝘪𝘵𝘢, 𝘯𝘰? 𝘜𝘨 𝘯𝘢𝘢 𝘴𝘪𝘭𝘢𝘺 𝘢𝘱𝘱𝘳𝘰𝘱𝘳𝘪𝘢𝘵𝘦𝘥 𝘧𝘶𝘯𝘥𝘴, 𝘴𝘰 𝘵𝘩𝘢𝘵’𝘴 𝘸𝘩𝘺 𝘸𝘦 𝘴𝘢𝘪𝘥 𝘺𝘦𝘴,” matud niya.
Samtang gikalipay ni Kuya Gov. Edwin I. Jubahib ang pagdeklara sa maong mga barangay nga “drug cleared” na ug gipadayag niini nga kabahin kini sa iyang paningkamot nga mamahimong luwas ug “liveable society” ang probinsya. Ang gobernador mismo mipaduol sa mga suok ug lagyong mga lugar aron sa paghatud sa mga labing gikinahanglang serbisyo sa katawhan.
Dugang ni Jubahib nga ang iyang termino nakatutok sa pakigbatok sa ilegal nga droga. Gani, gibubo usab niya ang suporta sa Luntiang Paraiso alang sa rehabilitasyon sa mga “drug addict”. Tingoha sa gobernador nga ang probinsya pagatawagon og ”healing field, not killing field”, taliwala sa huot niini nga pagpatuman sa kampanya batok ilegal nga droga.
Gipaniguro ni PLT. Col Michael Jan. M. Perla sa PRO-XI nga padayon pa gihapon ang “monitoring”sa mga kapulisan sa mga dapit nga deklarado na sa ROCBDC aron sa pagsiguro nga mamintinar sa mga nahisgutang mga barangay ang ilang pagka-“drug cleared”.
“𝘞𝘩𝘢𝘵 𝘸𝘦 𝘢𝘳𝘦 𝘥𝘰𝘪𝘯𝘨 𝘪𝘴 𝘸𝘦 𝘩𝘢𝘷𝘦 𝘤𝘰𝘯𝘵𝘪𝘯𝘶𝘦𝘴 𝘮𝘰𝘯𝘪𝘵𝘰𝘳𝘪𝘯𝘨. 𝘛𝘩𝘦𝘳𝘦 𝘢𝘳𝘦 𝘱𝘰𝘴𝘴𝘪𝘣𝘪𝘭𝘪𝘵𝘪𝘦𝘴 𝘱𝘢 𝘳𝘪𝘯 𝘱𝘰 𝘯𝘢 𝘣𝘢𝘬𝘢 𝘮𝘢𝘱𝘢𝘴𝘶𝘬𝘢𝘯 𝘶𝘭𝘪𝘵 𝘯𝘨 𝘪𝘭𝘭𝘦𝘨𝘢𝘭 𝘥𝘳𝘶𝘨𝘴 𝘪𝘵𝘰𝘯𝘨 𝘮𝘨𝘢 𝘣𝘢𝘳𝘢𝘯𝘨𝘢𝘺 𝘯𝘢 𝘪𝘵𝘰,” panapos ni Perla.
