Gipasidunggan ni Gobernador Edwin “Kuya Gov” I. Jubahib ang mga Gender and Development (GAD) Team, Focal, Secretariat & alternate employees sa probinsyal nga panggamhanan pinaagi sa Gantimpala Agad Award nga gitunol kanila duyog sa mga department heads nga gipahigayon sa Provincial Capitol Government Center, Hulyo 21-22, ning kasamtangang tuig.

Sumala ni PHRMO Head Edwin Palero nga dako ang nahimong kontribusyon sa GAD Team sa tinguha sa Davao del Norte sa Seal of Good Local Governance gikan sa DILG.

Sobra kon kulang 50 ka mga empleyado sa kapitolyo ubos sa GAD Team ang malipayong nidawat sa maong award, usa ka sertipiko nga pinirmahan sa gobernador nga nag-ila sa ilang dasig ug makugihon nga serbisyo ug dedikasyon sa trabaho.

“𝘔𝘢𝘯𝘥𝘰 𝘬𝘪𝘯𝘪 𝘴𝘢 𝘎𝘰𝘣𝘦𝘳𝘯𝘢𝘥𝘰𝘳, 𝘯𝘨𝘢 𝘮𝘢𝘵𝘶𝘥 𝘱𝘢 𝘨𝘪𝘬𝘪𝘯𝘢𝘩𝘢𝘯𝘨𝘭𝘢𝘯 𝘨𝘺𝘶𝘥 𝘯𝘨𝘢 𝘪𝘱𝘢𝘣𝘢𝘵𝘪 𝘴𝘢 𝘮𝘨𝘢 𝘦𝘮𝘱𝘭𝘦𝘺𝘢𝘥𝘰 𝘢𝘯𝘨 𝘬𝘢𝘯𝘢𝘯𝘨 𝘱𝘢𝘨𝘵𝘢𝘨𝘢𝘥 𝘴𝘢 𝘗𝘳𝘰𝘷𝘪𝘯𝘤𝘪𝘢𝘭 𝘎𝘰𝘷𝘦𝘳𝘯𝘮𝘦𝘯𝘵 𝘔𝘢𝘯𝘢𝘨𝘦𝘮𝘦𝘯𝘵 𝘶𝘨 𝘴𝘢 𝘱𝘢𝘨-𝘳𝘦𝘤𝘰𝘨𝘯𝘪𝘻𝘦 𝘴𝘢 𝘪𝘭𝘢𝘯𝘨 𝘮𝘨𝘢 𝘮𝘢𝘢𝘺𝘰𝘯𝘨 𝘣𝘪𝘯𝘶𝘩𝘢𝘵𝘢𝘯,” pagpasabot ni Palero.

Matud ni GAD Team chairperson Gale Guadalupe Mortillero nga naangkon ang kalampusan sa pagkab-ot sa Seal on Good Governance sa Davao del Norte gumikan sa pagtambayayong sa mga empleyado labi na ang technical working group sa GAD ug ingon man sa 21 ka mga departamento sa capitolio.

“𝘐𝘵’𝘴 𝘣𝘦𝘤𝘢𝘶𝘴𝘦 𝘥𝘢𝘬𝘰 𝘬𝘢𝘢𝘺𝘰 𝘢𝘯𝘨 𝘪𝘭𝘢𝘯𝘨 𝘯𝘢-𝘤𝘰𝘯𝘵𝘳𝘪𝘣𝘶𝘵𝘦 𝘨𝘺𝘶𝘥 𝘱𝘢𝘳𝘢 𝘴𝘢 𝘱𝘢𝘨𝘵𝘪𝘸𝘢𝘴 𝘴𝘢 𝘎𝘈𝘋 𝘗𝘭𝘢𝘯 & 𝘉𝘶𝘥𝘨𝘦𝘵 𝘧𝘰𝘳 2023 𝘶𝘨 𝘢𝘤𝘤𝘰𝘮𝘱𝘭𝘪𝘴𝘩𝘮𝘦𝘯𝘵 𝘳𝘦𝘱𝘰𝘳𝘵 𝘧𝘰𝘳 2021 𝘸𝘩𝘪𝘤𝘩 𝘪𝘴 𝘱𝘪𝘯𝘢𝘬𝘢-𝘳𝘦𝘲𝘶𝘪𝘳𝘦𝘮𝘦𝘯𝘵 𝘨𝘺𝘶𝘥 𝘯𝘪 𝘴𝘢 𝘋𝘐𝘓𝘎 𝘯𝘨𝘢 𝘥𝘢𝘱𝘢𝘵 𝘮𝘢𝘬𝘢-𝘴𝘶𝘣𝘮𝘪𝘵 𝘣𝘦𝘧𝘰𝘳𝘦 𝘔𝘢𝘳𝘤𝘩 15. 𝘋𝘢𝘱𝘢𝘵 𝘮𝘢𝘴𝘶𝘭𝘰𝘥 𝘯𝘢𝘵𝘰 𝘴𝘢 𝘪𝘭𝘢𝘯𝘨 𝘴𝘺𝘴𝘵𝘦𝘮,” saysay ni Mortillero.