Gidayeg pag-ayo sa mga opisyales, board of governors ug miyembro sa The American Chamber of Commerce of the Philippines, Inc. - Mindanao Chapter (AmCham Mindanao) si Kuya Gov Edwin I. Jubahib human gisaysay sa gobernador ang mga best practices sa probinsya nga hinungdan nga nakab-ot niini ang mga tinguha subay sa K.U.Y.A. G.O.B. Development Agenda nga nahimo niining giya sa iyang unang termino sa pagserbisyo sa katawhang Dabaonon.

Nagpakita og interes ang mga nanambong nga American ug Filipino business executives sa mga banner programs ni Kuya Gov ilabi na sa DavNor KAAGAPAY, Zero-Billing Policy, Rice-buying Intervention ug pagtapos sa problema sa insurhensiya sa probinsya. Gipahimuslan sa mga nanambong ang panahon nga sukit-sukiton ang gobernador kung unsa ang mga rason og pamaagi nganong malampuson niining napatuman ang mga pinasahing programa nga nakatabang og dako sa kinabuhi sa iyang ginsakopan.

Gipangunahan ang Appreciation Night ni AmCham Mindanao President Ferdinand Maranon gikan sa Sagrex Corporation, Corporate Secretary Atty. Myra Quilatan sa ACCRA Law Offices, Treasurer Dr. Jocelyn Catampo sa Doc Joy Documentation and Consultancy Services, Director Atty. Geraldine Tiu ug Director Cherrylin Casuga sa Blue Sapphire Group of Companies. Anaa sab sa maong tigom si Ex-Officio Officer Luis Bonguyan.

Gipahitabo ang maong panagtigom sa Park Inn by Raddison Davao niadtong Septyembre 16.

 

 

 

DavNor News

nainggo