302 ka mga kawani sa Probinsyal nga Panggamhanan sa Davao del Norte ang malipayong nidawat sa nagkadaiyang award atol sa Grand Awarding Ceremony 2022 sa DavNor Gym, DNSTC, Mankilam, Tagum City.
Gilangkoban kini sa nagkadaiyang kategorya sama sa Service Awards nga sakop ang gidugayon sa mga empleyado sa kapitolyo gikan sa 10 ka tuig hangtud 40 ka tuig nga pagserbisyo ug ang Excellence Award nga gilangkoban sa Career and Self-Development Awards, Prime Participation Awards, The Motivator Awards, ug Best in Innovation (Team Award).
Sa mensahe ni Governor Edwin “Kuya Gov” Jubahib nga gibasa sa iyang Executive Assistant, gipadayag ang iyang dakong pagdayeg sa mga empleyado sa kapitolyo nga dunay sulondong binuhatan. Dugang niya, gumikan sa mga kalampusang naangkon isip civil servant, sa tuyo nga makahatag og episyente nga serbisyo publiko, angayan lamang sila pasidunggan.
“Just like the very message of our Civil Service Theme this year, the goal of this programs and initiatives is undeniably to create strong organization. Where our employees grow and live in a culture of excellence grounded on a strong foundation of values not only in there career as civil servant but also in their personal relationship with their co-workers and other people. It is very important, that as government organization we are strong and resilient to the challenges of the future. Our covid-19 experience in the last two years for example had uncovered all our vulnerabilities and weaknesses as an organization. Though, we struggle to overcome the pandemic, it has provided as the opportunity to reassess ourselves, our system, and our approach to work in situation that cause as to be resilient, creative and responsive. Just so, the commitment of our public service shall remain steadfast and consistent,” mensahe ni Kuya Gov pinaagi ni Puerto.
Sumala ni Edwin Palero, ang Provincial Human Resource Management Officer, nga buot ni Kuya Gov nga ang mga naasoyng emplyedo mahatagan gyu’g pagtagad ug pasidungog ang ilang maayong binuhatan sa pagserbisyo sa katawhan sanglit kini sila mga ehemplo sa pagserbisyo diin mahimong kapanaminan sa uban.
“Kining paghatag award ug recognition, kini siya usa ka human resource management nga approach sa pag-motivate sa mga empleyado aron makapanerbisyo og maayo sa mga katawhan nga ilang ginaserbisyohan. Kining rewards and recognition isip mga empleyado sa gobyerno nga nagserbisyo og wala lamang nagserbisyo nga kanang mantiniring ug sustiniring. Kana gyung nag-extra effort, extra milestone ug aduna gyuy kasing-kasing sa pagserbisyo sa mga katawhan,” pagpasabot ni Palero.
Isip isa sa mga awardee nga nakaabot na sa 30 ka tuig nga panerbisyo, gipaambit ni Palero ang iyang taas nga kasinatian og mga kalampusang nakab-ot nga nakatabang og dako sa kalamboan sa probinsya. Dugang niya nga gikinahanglan sa mga empleyado nga hibal-on kung unsa ang ilang misyon sa kinabuhi, hunahunaon ang giserbisyohang mga tawo ug makahatag tarong nga serbisyo.
Ang naasoyng kalihokan kabahin sa ika-122 Philippine Civil Service Anniversary.
Writer/Photos: Nestor Mata, Jr.
