Gibisita sa mga opisyales sa Probinsyal nga Panggamhanan sa Benguet ang Davao del Norte alang sa Benchamarking and Data Gathering niadtong Oktubre, 13.
Gipangunahan ni Engr. Josie Jean Rabanoz ang pag-abi-abi sa mga bisita inubanan sa pipila ka labaw sa mga departamento sa kapitolyo.
Tumong sa maong patigayon ang pagpaambit sa mga programa ug mga sulondong binuhatan sa probinsyal nga panggamhanan nga mamahimong panag-ingnan ug kapanaminan sa mga opisyales sa Benguet.
Sumala ni Engr. Rabanoz nga niabot ang mga opisyales gikan sa Benguet sa pagpanguna sa ilahang Bise Gobernador Ericson Felipe aron obserbahan ang mga ordinasa sa probinsya may kalambigitan sa economic enterprise. Gipasigarbo sa DavNor ang implementasyon niini sa KAAGAPAY Ni Kuya Gov Program, Tourism Activities ug ang Zero Billing Program sa mga panggobyernong ospital.
“Atong gi-share sa ilaha unsa tong mga ordinances nga nahimo sa atoang legislative body, represented by Alex Delola. And also, ato pong gi-share sa ilaha atong mga good practices, something nga unsay naa nato diri nga ipanghambog, nga atoang mga program like that of sa agriculture sa KAAGAPAY program, kadtong sa tourism destination nato, nga all-out ang support ni Kuya Gov Edwin para ma-boost ang atoang tourism industry diri sa province of Davao del Norte. And we’re so happy nga kita ilahang gipili, ug enjoy pud sila. Nagpasalamat sila sa atoa nga na-share nato sa ilaha ang atoang mga experiences, especially sa economic enterprise, sa district hospitals then that of the other nga mga revenue generating offices sa province,” pagsaysay ni Rabanoz.
Dugang ni Rabanoz, nga nakakat-on sab siya pinaagi sa pagbinayloay og ideya kung giunsa pagpadayon sa paglambo sa Benguet bisan pa man napalibotan og mga dagkong kabukiran.
Gidayeg ni Bise Gobernador Felipe, si Governor Edwin Jubahib gumikan sa mga sulondong binuhatan niini, labi na sa mga district hospital diin napatuman ang zero billing sugod sa iyang paglingkod isip gobernador niadtong 2019.
“Ang pinakaimportanting nakita namin ‘yong mga district hospitals, kasi sa amin we had also different district hospitals. Namomroblema kami on how could we operate ang mga to. At least dito, nakita naming the governor created one specific office na mag-handle sa enterprise nato. Sa amin kasi, it is under the governor’s office lahat. So, ‘yon ang nakita naming isa. So probably, upon going home we will try to talk with our governor and the rest of the official of the province of Benguet, if we could create one office to take care of those business enterprise, which will include also our sports complex, the general hospital and the different properties of our province. It is being run by the office of the governor,” pagbutyag ni Felipe.
Nagpaabot ang maong opisyal sa iyang pasalamat kang Kuya Gov ug sa tanang mga opisyales sa probinsya gumikan sa mainitong pagdawat sa ilang delegasyon. Nag-awhag sab kini sa mga Dabaonon sa pagbisita sa ilang dapit aron makita sab ang ilang mga nindot nga mga tourist destination ilabi na sa iladong Strawberry Picking nga nahimutang sa La Trinidad, Benguet.
Writer: Nestor Mata, Jr.
