Bisan pa man gideklara na ang Davao del Norte isip "Insurgency-Free Province", hingpit gihapon nga girekomenda sa Armadong Kusog sa Pilipinas (Armed Forces of the Philippines) ang pagpadayon sa nasugdan nga mga programa batok insurhensiya aron dili na gyud mubalik pagkarebelde ang mga Former Rebels (FR).

Gipresenta sa mga dagkong opisyal sa AFP ang mga plano nga musuporta sa nag-unang programa ni Kuya Gov. Edwin I. Jubahib aron masustenar ang kalinaw sa probinsya. Hugot ang ilang pagtuo nga dapat mas pakusgan pa ang programa kay mas lisud ug trabahoso ang "sustainment phase" kumpara sa "counterinsurgency (clearing) phase".

Naglangkob sa "sustainment phase" ang tanang matang sa programa nga makapalambo sa kinabuhi sa mga FRs ug mga vulnerable sectors sama sa Indigenous People, mga kabataan ug mga tao nga naa sa lisud nga kahimtang.

Saad ni Governor Jubahib nga dili siya muhunong sa pagpaningkamot nga mahatag ang nag-unang panginahanglan ug pagtabang nga makalingkawas sa kalisod ang katawhan pinaagi sa pag-abli og dugang kadalanan, pabahay ug ubang matang sa imprastraktura; pagtukod og dugang classrooms, balay tambalanan, patubig, ug koneksyon sa kuryente; ug pagpakusog sa health and social services, agrikultura, malungtarong panginabuhian, ug uban pa.

Ang grupo sa AFP gilangkoban nila 10ID Commander Major Gen. Nolasco Mempin, 1001st Brigade Commander BGen. Jesus P. Durente III, 1003rd Brigade Commander BGen. Consolito P. Yecla, 56th IB Battalion Commander LTC Osmalik Tayaban, 60IB Batallion Commander LTC Merril Sumalinog, 25IB Battalion Commander LTC Mike Aquino, 10ID Division Chaplain Rev. Fr. LTC Melchor H. Torayno, ug mga sundalo. Anaa sab sa diskusyon si Provincial Administrator Engr. Josie Jean Rabanoz ug mga personahe sa kapitolyo.

Sa laing bahin, napili ang Davao del Norte nga pilot province sa implementasyon sa Enhanced Program on Peace and Security sa Office of the Presidential Adviser on Peace, Reconciliation and Unity (OPAPRU) gumikan sa malampuson nga pakigbatok niini sa insurhensiya subay sa Executive Order No. 70 o mas nailhan sa ELCAC o Ending Local Communist Armed Conflict ni kanhing Presidente Rodrigo Duterte.

 

 

 

DavNor News

https://www.high-endrolex.com/26
https://www.high-endrolex.com/26