Napuno sa kadasig, hudyaka ug tumang kasadya ang pasiunang aktibidad sa NPS XI Year-end Performance Assessment, Gender & Development Seminar nga mao ang “Yell and Cheer Contest” niadtong Disyembre 15 ug 16 sa DNSTC, Mankilam, Tagum City.

Gilangkoban kini sa tulo ka grupo; ang yellow, blue ug green clusters gikan sa mga kawani ug prosecutors sa City, Provincial Prosecutor’s Office ug National Prosecutors’ Service (NPS) – XI sa Department of Justice sama sa Davao Occidental, Digos City, Davao del Sur, Island Garden City of Samal, Panabo City, Tagum City, Davao de Oro, Mati City ug Davao del Norte Provincial Prosecutors Office.

Kalakip sa maong panagtapok ang sportsfest ingon man ang Christmas Fellowship 2022. Hiniusang aktibidad kini pinaagi sa pagtambayayong sa LGU Tagum ug Probinsyal nga panggamhanan sa Davao del Norte ubos sa liderato ni Kuya Gov. Edwin I. Jubahib ingo’g mga host sa okasyon.

Gipahayag ni Tagum City Prosecutor Noel Palma nga human sa duha ka tuig nga nasinating tibuok kalibutang pandemya nga wala kahimo sa maong tinuig nga kalihokan, subling niabli karon ang kahigayonan nga nagtumong sa pagpalig-on sa camaraderie sa usa’g usa subay sa temang “Promoting resilience, teamwork and perseverance in public service.”

“And also, to get to know each of field offices kasi during ordinary days subsob kami sa trabaho, eh. Ano ba, so we don’t know the other field offices, the personnel and the staff. This is one way of getting to know each other from the whole prosecution office of NPS XI,” matud ni Prosecutor Palma.

Writer/Photo: Lorna P. Tripoli

 

 

 

DavNor News