Isip usa sa mga lakang pagpakusog sa programa ni Kuya Gov. Edwin I. Jubahib sa agrikultura sa Davao del Norte, gipahitabo ang “Blessing of PAGRO Farm Machineries” alang sa duha ka bag-ong backhoe nga nagkantidad og Php 28 million pesos nga gikan sa 20 percent development fund.

Butyag ni Provincial Agriculturist Jose Andamon, dako og tabang ang maong mga crawler-type backhoe ilabi na karon nga subay sa Mandanas-Garcia Ruling, gitugyan sa nasyonal nga panggamhanan ang ubang tahas niini sa lokal nga panggamhanan sama sa pagmugna og communal irrigation system.

Sa makanunayong pagtabang ni Kuya Gov sa mga mag-uuma, gamiton sab sa Probinsyal nga Panggamhanan ang nasampit nga mga ekipo sa pag-convert sa mga luna nga kanhing sagingan ug apektado sa fusarium wilt o panama disease nga mahimong produktibo pag-usab. Pinaagi sa crop shifting, tanoman ang maong mga luna og palay, mais o bisan unsang high value crops aron makabangon ang mga mag-uuma.

Dugang pa sa PAGRO, dako sab matabang ang mga backhoe sa pagkalot og mga fish pond ug pagmugna og akses nga dalan para mapadali ang lihok sa matang sa agrikultura ug mahatod ang mga hinanaling tabang alang sa mga nanginahanglan.

Bug-os nga pwersa ang gipakita sa mga Department Heads sa panguna ni Provincial Administrator Engr. Josie Jean Rabanoz isip representante sa Gobernador ug mga personahe sa PAGRO sa panguna ni Andamon sa pagtambong sa maong seremonyas. Naglaom ang probinsyal nga panggamhanan nga mas mulambo pa ang produksyon sa agrikultura ug mas ma-engganyo ang kadaghanan nga mag-uma kay mas gipakusgan pa ang suporta sa probinsya alang sa agrikultura ubos sa giya sa KUYA GOB NG MASA development agenda sa Administrasyong Jubahib.

Writer: Mervin Jay Z. Suaybaguio

 

 

 

DavNor News

https://www.high-endrolex.com/26
https://www.high-endrolex.com/26