Malampuson ang gipahigayong regular meeting sa Council of Human Resource Management Practitioner (CHRMP) Davao del Norte Chapter, sa DavNor Pavilion, DNSTC, Mankilam, Tagum City, niadtong Enero 13, 2023.
Gitambongan kini sa mga HR Practioner nga naggikan sa nagkadaiyang Local Government Units (LGU) ug uban pang mga ahensiya sa gobyerno nga sakop sa probinsya. Kalakip sab sa mitambong ang mga kadagkoan sa Civil Service Commission Rehiyonal Office XI.
Isa sa mga gihisgutan sa maong panagtapok mao ang paghatag og financial assistance sa mga miyembro nga ma-admit sa ospital ug burial assistance alang sa miyembro nga mitaliwan sa laing kalibutan.
Sumala ni Dir. Nelly Esperanza, ang Director sa CSC Davao del Norte Field Office, nga importante ang pagpahigayon sa nasampit nga meeting kada bulan aron paghatag og update alang sa mga bag-ong CSC Issuances ug programa apil sab ang paghisgut sa nagkadaiyang polisiya nga magamit sa mga HR Practitioner sa pagtuman sa ilang mandato.
“Binulan gyud ni siya nga panagtapok aron magkinambyoay og mga good news, good practices and including challenges pud that confront our HR Practitioners. Naa kitay gwapo kaayo nga update. It is in the form of CSC Memo Circular No. 14, which declared our PAG-ASA Winner, coming from the Department of Education Panabo City, in the person of Ma’am Ilyn Añonuevo. We are really happy to announce to everyone nga gikan sa Davao del Norte, gikan sa Department of Education ang National Winner sa PAG-ASA Award, under the honors award program of the Civil Service Commission,” sulti sa director.
Gipasabot ni Ezperanza ang kamahinungdanon sa digitalization process sa mga ahensiya sa gobyerno, nga magamit niini alang sa mas paspas nga paghatag serbisyo ngadto sa publiko aron maangkon ang katagbawan nga gihandom sa mga katawhan.
Nagpaabot sab si Esperanza sa iyang pasalamat kang Governor Edwin “Kuya Gov” Jubahib sa way puas nga suporta sa mga kalihokan sa mga HR Practitioner.
“Dakong pasalamat ang buot nakong ipaabot sa atong gobernador, Governor Edwin Jubahib sa iyahang dakong suporta sa tanang mga programa for human resources in the Province of Davao del Norte. Kanunay naa siya sa luyo, kanunay anaa ang iyang suporta ug kanunay gihatagan niya og prayoridad ang human resources sa atoang panggamhanan,” pagbutyag ni PD Esperanza.
Atol sa maong kalihokan, mitambong si Dir. Cyril-Nathan SM. Eamiguel ang Director sa CSC Regional Office XI ug si Assistant Regional Director Atty. Venus O. Bumanlag aron mopaambit ug mopasabot sa pipila ka mga polisiya sa ilang ahensiya ngadto sa mga HR Practitioner.
“Just like to take this opportunity to extend my heartfelt appreciation sa ilahang suporta nga gihatag sa Civil Service Commission particularly dinhi sa Field Office sa Davao del Norte. We believe that without them, we will not be able to deliver the mandates nga gihatag kanamo sa constitution. We’re able to serve the public through the assistance of CHRMP,” subay ni RD Eamiguel.
Sa laing bahin, gibutyag ni Director Eamiguel nga mokabat sa 22,000 ka slot ang gigahin alang sa mga mo-exam sa civil service examination dinhi sa Rehiyon XI karong umalabot nga Marso 26, 2023. Samtang 3,000 ka slot ang gigahin alang mo-exam dinhi sa Siyudad sa Tagum. Hangtud karon padayon ang Civil Service Commission Davao del Norte Field Office, nga naa nahimutang sa Magugpo North ning siyudad sa pagdawat sa aplikasyon hangtud karong Enero 25, 2023.
Writer/Photo: Nestor Mata, Jr.
