Malipayon nga mipakita sa iyang suporta si Governor Edwin "Kuya Gov" Jubahib sa mga contractor ug personahe sa Department of Public Works and Highways (DPWH) nga nagpahigayon sa clearing operation sa landing point sa Samal Island - Davao Connector (SIDC) Project sa Barangay Limao, Island Gaden City of Samal.

Gisugdan na jud sa DPWH sa Samal nga bahin ang dugay nang gipaabot nga P23-billion mega project, human gipagawas ni RTC Judge Gemma Betonio sa Panabo City ang Writ of Possession para sa expropriation aron magamit na sa gobyerno ang lote para sa maong proyekto.

Kuyog ni Kuya Gov sila SIDC Project Manager Joweto Tulaylay, Project Engineer John Christian Gaden, Sherriff Jonathan Flores, Sheriff Ruel Caedo, City Administrator Neiljun Esdrelon, DNPPO Commander PCol. Antonio Alberio, mga opisyales sa China Road and Bridge Corporation, nga mao ang contractor sa tulay ug kuyog ang pwersa sa suporta sa 46 ka mga kapitanes sa isla.

Nagtoo si Kuya Gov nga dako ang impact sa maong proyekto pagkahuman niini lima ka tuig gikan karon sa paglambo sa ekonomiya sa isla, tungod sa pagsulod sa dagkong kapitalista, daghang mga trabaho ug mas daghang mga turista gumikan sa mas dali na nga pagtabok paadto sa isla.

 

DavNor News