1-davnor-1-people
davnor-province

Ginadugok karon sa mga turista ang bag-ong atraksiyon sa lungsod sa Talaingod nga mao ang P4-million Twin View Decks, nga nailhan sab sa pangalan nga Gazebo Glass Bridge, diin nahimutang sa Balimba Hills, JBL Village sa Barangay Sto. Niño.

Makapadani ang bildo nga tulay nga nagsumpay sa duha sa view decks, kung asa makita nimo ang talan-awon sa tibuok probinsiya sa Davao del Norte sa klaro nga adlaw.

Ang bag-ong tourism site sa Talaingod gitukod ubos sa P200-million Tourism Development Project ni Governor Edwin "Kuya Gov" Jubahib, nga nagpalambo sa mga "Island to Highland Destinations" sa probinsiya.

Gikan sa Lantawan ni Bacoco sa Sitio Talo sa Santo Tomas, deretso nga gibisita ni Kuya Gov ang Twin View Deck sa Talaingod, sa pagsugod sa One DavNor Travels Familiarization Tour karong adlawa.

Kauban ni Kuya Gov ang mga department heads sa Kapitol, sa panguna ni Engr. Josie Jean Rabanoz, ug sila Mayor Jonie Libayao, Vice Francisco G. Gipulla, Jr. ug uban pang local officials ug tribal leaders

Gipasigarbo sa gobernador ang dakong kausaban lungsod sa Talaingod gikan sa kuta sa mga teroristang NPA ngadto sa usa ka tourism destination ug nahimong posible kini pinaagi sa iyang daghang mga proyekto nga gibubo sa lungsod tungod sa iyang pagmahal sa mga tribo.

 

 

 

DavNor News