Bisan paman sa nasinatiang kusog nga bunok sa ulan, wala kini nakatarog sa tinguha ug kadasig sa mga atleta nga saksihan ang pag-abli sa 2023 Davao Regional Athletic Association (DAVRAA) Meet, nga gidumala sa Probinsyal nga Panggamhanan sa Davao del Norte ug sa Department of Education (DepEd) DavNor Division kauban ang DepEd-Tagum City Division, sa Davao del Norte Sports and Tourism Complex (DNSTC), Mankilam, Tagum City, Abril 23, 2023.
Gisugdan ang maong seremonya pinaagi sa parada palibot sa kapitolyo nga gilangkuban sa libuan ka mga atleta og mga opisyal nga gikan sa unom (6) ka syudad ug lima (5) ka probinsya.
Onse ka mga team ang mag-indigay sa nagkadaiyang sports event sama sa Basketball, Volleyball, Boxing, Swimming, Athletic ug daghan pang uban. Ang maong mga team gilangkuban sa Davao City, Tagum City, Panabo City, Island Garden City of Samal, Mati City, Digos City, Davao del Norte, Davao de Oro, Davao del Sur, Davao Occidental ug Davao Oriental.
Sa mensahe ni Governor Edwin “Kuya Gov” Jubahib, iyang gipaabot ang iyang dakong kalipay nga sa sulod tulo ka tuig nga paghunong sa DAVRAA gumikan sa epekto sa pandemyang Covid-19, nahibalik na kini karon sa probinsya. Matod pa niya nga ang DAVRAA maoy una sa pinakadakong sports event nga gipahitabo sulod sa DNSTC sa subling pag-abli niini ngadto sa katawhan human sa pandemya.
“But our long wait is finally over because today is a historic moment for Davao Region as we celebrate the sweet comeback of our well-loved DAVRAA meet with a renewed spirit of excitement, enthusiasm, and determination. We are happy to know that this highly anticipated regional athletic event of the Department of Education returns to Davao del Norte province after a three (3) years hiatus. With that, I am filled with great pride and joy of welcoming all our delegates and visitors from the different provinces and schools division in Davao Region to our beautiful province of Davao del Norte,” sulti sa gobernador.
Gipahimangnuan ni Kuya Gov ang mga atleta nga himuon ang tanang mahimo aron makab-ot ang gihandum nga kadaugan labi na ang pangandoy nga makaabot sa Palarong Pambansa ug sa uban pang mga dagkong sports event sa kalibutan sa umalabot nga panahon.
“For so many years, the DAVRAA Meet has always served its main purpose of providing a great platform for our young student-athletes to prove their athletic gifts in various field of sports. It is a tournament where competitions are made in the spirit of sportsmanship and camaraderie. Athletes push behind their limits, even break records and make stellar achievements in the history of sports. For the victorious and selected few, the DAVRAA Meet is only a beginning of more formidable challenges ahead of them as they step for the bigger Palarong Pambansa arena,” dugang ni Kuya Gov.
Sugod sa pag-igo sa pandemyang Covid-19 sa nasud tulo ka tuig na ang nakalabay, giuktaba una ang pagpahigayon sa maong sports event aron pagsunod sa health protocol nga giimplementar sa gobyerno. Sa subling pag-abli sa maong padula, hilabihan ang kalipay ug kahinam nga gibati sa mga atleta, mga opisyal ug mga katawhan nga mosud-ong sa nagkadaiyang dula nga gisugdan niadtong Abril 23 ug mahuman karong Abril 28, ning tuiga.
Written by: Nestor Mata, Jr.Photos taken by: Jonald Lalas
