Gipakgang gilayon ni DNPPO Provincial Director PCol Antonio D. Alberio, Jr. ang pangutana kalabot sa paghatag ni Governor Edwin “Kuya Gov” Jubahib og motor ug sakyanan alang sa Tagum PNP nga sagol pamolitika.

Mismong ang provincial director na ang mibadlong aron dili pahiran og politika ang mga donasyon nga gitunol sa mga LGUs ug mga stakeholders.

“We will not talk politics but we need to talk here the good services that we can provide to the people, to the taxpayers that we owe to serve,” tubag ni PD Alberio sa pangutana panahon sa Q&A portion sa Press Conference sa DNPPO kaganinang buntag, Mayo 1.

Kahinumdomang mihatag si Kuya Gov ngadto sa DNPPO og lima ka motor ug usa ka pick-up alang sa Tagum City Police Station ug laing usa ka pick-up alang sa Panabo City Police Station sa adlaw sa iyang natawhan sa tinguha nga matabangan sa ilang mobility ang kapulisan labi na ang siyudad sa Tagum, nga nakasinati sa sagunsong linuog nga krimen..

Nakapasamot kuno kini sa kasuko sa mayor sa Tagum, subay sa pangutana, nga maoy usa sa mga rason sa iyang pag-withdraw sa suporta sa Tagum CPS.

Giklaro ni PD Alberio nga welcome ang tanan nga gustong mo-donate. Gani, dako ang ilang pasalamat sa mga stakeholder sama sa LYR Marketing Corporation, sa ilang mga donasyon aron mahimong komportable ang pagserbisyo sa kapulisan.

“Kung naay i-donate ang provincial government, dawaton nato na. Ug naay i-donate ang city, dawaton gihapon nato na. Ang atoa, introduce services that we can provide to the people,” dugang sa opisyal.

Anaa na sa Motorpool Tagum ang upat ka patrol cars sa Tagum CPS human kini gi-recall ni Mayor Rey Uy. Dili na usab kuno idayon ang planong pagtunol sa mga motorsiklo alang sa mga personahe sa maong istasyon.

Apan, luyo sa kakulang sa kahimanan gipaniguro sa bag-ong Tagum PNP Acting Chief of Police PLtCol Jeffrey C. Latayada nga himoon gyud nila kutob sa makaya ang mga lakang aron matunhay ang kahapsay ug kalinaw ug malaumong mabalik sa LGU Tagum ang suporta ngadto kanila. (junnex)

 

 

 

DavNor News

https://www.high-endrolex.com/26
https://www.high-endrolex.com/26