Kwarenta'y dos ka mga mag-uuma ang nakadawat og tag-usa ka baka gikan sa Probinsyal nga Panggamhanan sa Davao del Norte ubos sa liderato ni Governor Edwin “Kuya Gov” Jubahib atol sa gipahigayong cattle dispersal sa lungsod sa Talaingod, niadtong Mayo 4, 2023.

Sumala ni Engr. Rickris Marie Fernandez sa Provincial Engineering Office, gikan sa Office of the Presidential Adviser on Peace, Reconciliation and Unity (OPAPRU) ubos sa PAyapa at MAsaganang PamayaNAn (PAMANA) Program ang pondo nga gigahin aron ipamalit sa mga baka, sa paningkamot ni Kuya Gov, PEO ug Provincial Veterinary Office.

Dugang ni Engr. Fernandez nga anaa na sa usa hangtud duha ka tuig ang pangidaron sa maong mga baka, nga dunay mokabat sa 150 hangtud 180 kilos ang gibug-aton.

Gipahimangnoan ni Talaingod Municipal Agriculturist Edwin Superioridad, ang nidawat sa maong mga baka nga panggaon nila kini sama sa pagpangga sa ilang asawa. Kini aron ilang mapasanay ug mapahimuslan usab sa uban pang mga benepisyaryo pag-abot sa panahon.

Gipasabot ni Superioridad nga tulo ka tuig lamang manag-iya sa maong mga baka ang kasamtangang benepisyaryo tungod kay ihatag kini sa laing benepisyaryo human kini makaanak na sa ilang mga kamot. Nipasalig kini nga sa labing daling panahon ipaubos gilayon ang maong mga baka sa artificial insemination aron mabuntis kini ug makaanak dayon.

“𝘈𝘵𝘰𝘯𝘨 𝘨𝘪-𝘰𝘳𝘨𝘢𝘯𝘪𝘻𝘦 𝘯𝘨𝘢 𝘴𝘢 𝘵𝘪𝘣𝘶𝘰𝘬 𝘛𝘢𝘭𝘢𝘪𝘯𝘨𝘰𝘥, 𝘬𝘢𝘮𝘰 𝘨𝘺𝘶𝘥 𝘢𝘯𝘨 𝘱𝘪𝘯𝘢𝘬𝘢𝘶𝘯𝘢 𝘯𝘨𝘢 𝘴𝘢 𝘪𝘯𝘺𝘰 𝘯𝘢𝘬𝘢𝘴𝘢𝘭𝘢𝘭𝘢𝘺 𝘬𝘪𝘯𝘪 𝘯𝘨𝘢 𝘱𝘳𝘰𝘨𝘳𝘢𝘮𝘢 𝘯𝘨𝘢 𝘢𝘵𝘰𝘢𝘯𝘨 𝘨𝘪𝘩𝘢𝘵𝘢𝘨 𝘴𝘢 𝘪𝘯𝘺𝘰𝘩𝘢 𝘬𝘢𝘳𝘰𝘯 𝘯𝘨𝘢 𝘥𝘪𝘴𝘱𝘦𝘳𝘴𝘢𝘭. 𝘚𝘢 𝘪𝘯𝘺𝘰𝘩𝘢 𝘯𝘢𝘬𝘢𝘴𝘢𝘭𝘢𝘭𝘢𝘺 𝘯𝘨𝘢 𝘮𝘰𝘭𝘢𝘮𝘣𝘰 𝘴𝘪𝘺𝘢, 𝘬𝘢𝘺 𝘬𝘢𝘮𝘰 𝘮𝘢𝘯 𝘢𝘯𝘨 𝘱𝘪𝘰𝘯𝘦𝘦𝘳𝘪𝘯𝘨. 𝘈𝘬𝘰𝘯𝘨 𝘨𝘪-𝘤𝘩𝘢𝘭𝘭𝘦𝘯𝘨𝘦 𝘢𝘯𝘨 𝘮𝘨𝘢 𝘰𝘱𝘪𝘴𝘺𝘢𝘭𝘦𝘴 𝘨𝘪𝘬𝘢𝘯 𝘴𝘢 𝘱𝘳𝘦𝘴𝘪𝘥𝘦𝘯𝘵𝘦 𝘴𝘢 𝘪𝘯𝘺𝘰𝘯𝘨 𝘢𝘴𝘰𝘴𝘢𝘴𝘺𝘰𝘯 𝘱𝘢𝘥𝘶𝘭𝘰𝘯𝘨 𝘴𝘢 𝘱𝘪𝘯𝘢𝘬𝘢𝘣𝘢𝘣𝘢 𝘯𝘨𝘢 𝘱𝘰𝘴𝘪𝘴𝘺𝘰𝘯. 𝘗𝘶𝘳𝘰 𝘨𝘺𝘶𝘥 𝘵𝘢 𝘯𝘪𝘯𝘺𝘰 𝘯𝘢𝘢𝘺 𝘰𝘣𝘭𝘪𝘨𝘢𝘴𝘺𝘰𝘯 𝘢𝘯𝘢,” saysay ni Superioridad.

Gihatod gayud sa probinsyal nga panggamhanan sa ilang tugkaran ang mga himsog nga baka. Malipayon kining gidawat sa mga benepisyaryo ug nagpaabot sa ilang dakong pasalamat ngadto kang Kuya Gov gumikan sa pagpaningkamot niini nga mahatagan sila og dugang panginabuhian nga makapausbaw sa ilang kita.

“𝘋𝘢𝘬𝘰 𝘬𝘰’𝘨 𝘱𝘢𝘴𝘢𝘭𝘢𝘮𝘢𝘵 𝘬𝘢𝘺 𝘱𝘶𝘩𝘰𝘯-𝘱𝘶𝘩𝘰𝘯 𝘣𝘢𝘴𝘪’𝘨 𝘬𝘢𝘭𝘰𝘺-𝘢𝘯 𝘯𝘪, 𝘯𝘢𝘢 𝘮𝘢𝘺 𝘮𝘢𝘢𝘯𝘢𝘬 𝘢𝘯𝘪, 𝘱𝘢𝘥𝘶’𝘯𝘨 𝘯𝘪 𝘴𝘢 𝘢𝘬𝘰𝘯𝘨 𝘮𝘨𝘢 𝘢𝘱𝘰 𝘬𝘢𝘺 𝘴𝘦𝘯𝘪𝘰𝘳 𝘯𝘢𝘮𝘢𝘯 𝘬𝘰. 𝘚𝘪𝘭𝘢 𝘯𝘢𝘺 𝘮𝘢𝘨𝘬𝘶𝘢𝘯 (𝘮𝘢𝘨𝘱𝘢𝘴𝘢𝘯𝘢𝘺) 𝘢𝘯𝘪. 𝘗𝘢𝘴𝘢𝘭𝘢𝘮𝘢𝘵 𝘬𝘰’𝘨 𝘥𝘢𝘬𝘰 𝘯𝘨𝘢 𝘵𝘪𝘨𝘢𝘢𝘯 𝘵𝘢’𝘨 𝘬𝘶𝘢𝘯 (𝘣𝘢𝘬𝘢) 𝘴𝘢 𝘨𝘰𝘣𝘺𝘦𝘳𝘯𝘰. 𝘈𝘬𝘰 𝘱𝘶𝘯𝘨 𝘨𝘪𝘢𝘮𝘱𝘰 𝘴𝘢 𝘎𝘪𝘯𝘰𝘰 𝘯𝘨𝘢 𝘵𝘢𝘨𝘢𝘢𝘯 𝘱𝘶𝘥 𝘮𝘪’𝘨 𝘮𝘢𝘢𝘺𝘰𝘯𝘨 𝘭𝘢𝘸𝘢𝘴 𝘱𝘢𝘨-𝘢𝘵𝘪𝘮𝘢𝘯 𝘬𝘢𝘺 𝘮𝘢𝘰 𝘯𝘢𝘺 𝘱𝘪𝘯𝘢𝘬𝘢𝘪𝘮𝘱𝘰𝘳𝘵𝘢𝘯𝘵𝘦,” pagsubay ni Melanio Corcueba.

“𝘋𝘢𝘬𝘰 𝘬𝘢𝘢𝘺𝘰 𝘢𝘯𝘨 𝘱𝘢𝘨𝘱𝘢𝘴𝘢𝘭𝘢𝘮𝘢𝘵 𝘯𝘢𝘬𝘰 𝘴𝘢 𝘢𝘵𝘰𝘯𝘨 𝘗𝘳𝘦𝘴𝘪𝘥𝘦𝘯𝘵𝘦 𝘭𝘢𝘣𝘪 𝘯𝘢 𝘴𝘢 𝘢𝘵𝘰𝘯𝘨 𝘎𝘰𝘷𝘦𝘳𝘯𝘰𝘳 𝘯𝘨𝘢 𝘨𝘪𝘵𝘢𝘨𝘢𝘢𝘯 𝘨𝘺𝘶𝘥 𝘰𝘨 𝘩𝘪𝘨𝘢𝘺𝘰𝘯 𝘯𝘨𝘢 𝘢𝘯𝘨 𝘮𝘨𝘢 𝘮𝘢𝘨-𝘶𝘶𝘮𝘢 𝘮𝘢𝘬𝘢𝘢𝘯𝘨𝘢𝘵 𝘵𝘶𝘯𝘨𝘰𝘥 𝘯𝘪𝘪𝘯𝘪𝘯𝘨 𝘱𝘳𝘰𝘺𝘦𝘬𝘵𝘰𝘩𝘢,” matud ni Nestor Bagoboy.

Atol sa cattle dispersal, gimugna sab sa mga benepisyaryo ang ilang asosasyon nga gitawag og Talaingod Cattle Raiser’s Association apil na sab ang pagpili sa ilang mga opisyales.

Writer/Photo: Nestor Mata, Jr.