Gipangunahan ni Governor Edwin “Kuya Gov” Jubahib ang pormal nga pag-abli sa Pilipinas Super League (PSL) 18 Under Mindanao South Leg sa DavNor Gym, Davao del Norte Sports and Tourism Complex, Mankilam, Tagum City, niadtong Mayo 13, 2023.
Gisugdan ang maong padula pinaagi sa pagpaila sa nagkadaiyang team uban sa ilang mga maanyag nga mga muse, nga nakapahugyaw sa mga dumuduong.
Lima ka mga team ang nag-indigay sa liga nga gilangkoban sa Timber City Academy Dragons, Max Ballers Davao, Immanuel School of Davao PACMAN, Cantilan RD Braveheart-Gugmart, ug DavNor’s Future Legends.
Sa mensahe sa gobernador, iyang gipadayag ang dakong pasalamat ug garbo nga sa probinsya sa Davao Del Norte gipahigayon ang maong liga sa basketball. Sumala pa ni Kuya Gov, nga dako ang tsansa sa mga baskebolistang Dabaonon nga madiskobrehan hangtud sa National Level ug maka-produce ang probinsya og mga basketbolista nga makasulod sa mga dagkong liga sa nasud. Tungod niini, hugtanon ang suporta nga gihatag ni Kuya Gov alang sa mga atleta nga nagrepresenta sa probinsya.
Samtang iyang gipahimangnoan ang mga player nga ipatigbabaw ang sportsmanship, patas nga pagdula ug ilabi na ang pagpadayon sa pag-eskwela.
“Opening karon for 2023 sa Pilipinas Super League ug dinhi gi-hold sa atoang probinsya sa Davao del Norte. Mapasalamaton kaayo ta. Lucky kaayo ta nga ang larong Super League diri gisugdan sa atoang probinsya sa Davao del Norte ug kita ang ilang gipili para mahimong first sponsor para sa Pilipinas Super League. Kita naningkamot pud, kauban ang ubang mga negosyante ug mga elected officials nato, nagtinabangay para atong masuportahan ang mga panginahanglanon sa atong mga basketball team dinhi sa atong probinsya sa Davao del Norte. Alang sa mga kabatan-onan, karon na ang panahon nga inyong mapakita ang inyong galing sa dula nga basketbol, kinahanglan lang mag-focus, mag-exercise ug strong determination para aning maong dula. Importante dili kalimtan ang inyong pag-eskwela kinahanglan mao nay number one focus gawas sa inyong pagdula,” sulti ni Kuya Gov.
Gibutyag ni PSL Commissioner Leandro Isaac nga gimugna ang maong liga aron sa pagdiskobre sa mga bag-ong atleta ilabi na niadtong anaa sa hilit nga lugar. Tumong niini nga mahatagan og oportunidad ang mga batan-ong atleta nga makasulod sa mga dagkong eskwelahan ug dakong liga sa nasud sama sa Philippine Basketball Association (PBA) nga maoy magdala kanila sa kalamposan ug kalamboan. Dugang niya nga mokabat na sa 54 ka mga atleta nga produkto sa PSL ang atoa na karon sa mga dagkong unibersidad sa kaulohang Manila.
“Alam naman natin ‘pag basketball player ka nire-recruit ka ng big schools. ‘Yong education mo malilibre na. So, it’s not just basketball but it’s also giving them the opportunity to have good education through basketball. Then, ‘pag nagkaroon na ng good opportunity ang bata, they also have the chance to go into the professional league, the PBA. Yes, napakabait ni Governor Jubahib, hindi kami magdadalawang isip na talagang sumuporta sa mga programa din niya, sa kanyang probinsya, through basketball and the other sports na nandun. Na-impress kami sa sports facilities mayron itong Davao del Norte. So, we’re expecting long relationship with the governor of the Province of Davao del Norte,” PSL Isaac.
Ang modaog sa Mindanao South Leg, maoy mamahimong pambato aron mosangka sa mga team nga naggikan sa nagkalain-laing lugar sa Luzon, Visayas ug Mindanao.
Writer/Photo: Nestor Mata, Jr.
