Gisaulog sa probinsya ang ika-45 ka tuig nga National Disability Prevention and Rehabilitation Week sugod Hulyo 17-23, 2023 nga gipahinabo sa DavNor gym. Mismong si Secretary Lope Santos III sa National Anti-Poverty Commission, nga mao usab ang lead convenor, ang pinasidunggang mamumulong duyog sa mga nagkadaiyang representante gikan sa mga ahensiya sama sa Department of Trade and Industry (DTI), Philippine Statistics Administration (PSA), Department of Science and Technology (DOST) ug Department of Social Welfare and Development (DSWD) ug representante ni Congressman Pantaleon "Bebot" Alvarez ug uban pa. Ang mga mitambong nga mga Persons with Disabilities (PWDs) naggikan sa 11 ka mga lokalidad sa pagpanguna sa Provincial Social Welfare and Development Office.
Gipang-display ang mga produktong ginama sa mga PWD nga maoy ilang panginabuhian sama sa sabon, kandila, ug uban pa. Samtang gipakita sa “Gallery of Accomplishment” sa tuig 2022 sa mga LGU-PWDs ang ilahang mga programa, proyekto ug serbisyo.
Nagpadayag si Sec. Santos sa NAPC atol sa coffee chat kauban ang mga DavNor PWDs, sa iyang mainitong suporta sa mga kalihokan sa maong pundok labi na ang sugyot nga social pension program alang kanila.
"Malaki po ang magagawa ng Persons with Disabilities. Alam natin ang inyong sector is one of the vulnerable sectors na kailangang bigyan ng social protection ng ating pamahalaan. You are enjoying several benefits already but it may not be enough. Marami na kayong na i-enjoy na benepisyo pero baka ito ay hindi pa sapat sa inyong mga pangangailangan," sumala ni Sec. Santos.
Sa mensaheng gipadangat usab ni Kuya Gov Edwin I. Jubahib pinaagi ni Provincial Administrator Engr. Josie Jean Rabanoz, nagpahayag kini alang sa patas nga pagtratar sa katungod sa mga PWDs nga makaangkon og saktong edukasyon, pagpangempleyo, proteksyon, ug uban pa, agi'g kabahin sa kalamboan sa probinsya nga walay mabiyaan.
"Where no one is left behind we must be able to alleviate our disadvantage sectors like the PWDs from the brand of their disadvantage situations and enable them to act independently in terms of pursuing economic opportunities to improve them to live," matud ni Engr. Rabanoz.
Sa pikas bahin mapahiyumon ug dasig ang mga atletang basketbolistang mga PWDs sa dihang gitunol kanila ang napulo ka mga wheelchairs nga bag-o og mga ligid ug pintura.
Sa maong okasyon, hiniusang gilagdaan ang "Pledge of Commitment" sa matag department heads, sa mga organisasyon nga nisuporta sa mga PWDs, ug mga multi-stakeholders. Ang paglagda gipangunahan sa maong sekretarya sa NAPC.
Writer/Photos: Maria Lorna P. Tripoli
