Niarangkada ang mga nagkadaiyang mga produkto nga gipang-display sa Grand Atrium, Gaisano Mall sa siyudad sa Tagum nga ginama gikan sa mga negosyante, agi'g pagpartisipar sa Davao del Norte Micro, Small and Medium Enterprise (MSME) Week Trade Fair 2023. Malampuson ug mabungahong natigayon kini nga gisugdan niadtong Hulyo 19 ug nahuman Hulyo 23.
Kahibaloan nga ang maong kalihokan gisugdan pinaagi sa motorcade nga milibot sa mga nag-unang kadalanan sa Tagum City. Aduna usab ribbon cutting una gisugdan ang programa sa pagpanguna nila Engr. Maria Victoria D. Adriatico, ang acting Division Chief sa Department of Trade and Industry (DTI) ug uban pang mga mitambong.
Mipaambit og mensaheng padasig ngadto sa mga mamuhonan si Ms. Gina Marie M. Espejo, ang CEO sa MX3 Corporation, nga magbaton og lig-ong pagtoo sa Labaw'ng Makakagahum aron mamahimong malampusong negosyante. Nagbatbat sab si Engr. Maria Victoria D. Adriatico, ang Acting Division Chief sa DTI, sa kamahinungdanon sa kontribusyon sa ekonomiya sa mga negosyante labi na kung ang negosyo moasenso.
"Ang ating theme ay Triple Up's para ‘ni siya sa mga MSME's nga ginatabangan in recognition sa ilang contribution sa ating economy lalo na sa job generation at saka sa kanilang tax remittances. After this one, we expect them to grow in as far as katulad ng produktong DavNor in as far as market reach is concerned. Naa man tay mga visitors nga moanhi diri motan-aw sa mga produkto nila. So, pwede tayong tulad sa kanila ma-improve ang kanilang productivity sa ilang product and services and even processes," sumala ni Engr. Adriatico.
Samtang nipadangat og mensaheng pagpasalamat si Kuya Gov Edwin I. Jubahib pinaagi sa iyang representante ngadto sa mga personahe sa DTI ug giila ang makugihon nga pakigtambayayong sa probinsya sa maong ahensiya alang sa kauswagan sa ekonomiya. Pinaagi niini dugang employment ang matunol sa mga katawhan.
"I thank our Department of Trade and Industry for the commendable working synergy you have with the provincial government that bridges us closer to achieving our long-term vision of our premier province and putting Davao del Norte consistently to its triple title as the most competitive and business-friendly province," matud ni Puerto.
Writer/Photos: Maria Lorna Tripoli
