Sa tinguha nga matabangan, maprotektahan, ug adunay kasigurohan ang mga manarbaho sa langyaw'ng kanasoran, hiniusang gidalit sa probinsyal nga panggamhanan ilalom sa liderato ni Governor Edwin "Kuya Gov" Jubahib, ang Job fair alang sa Overseas and Local Applicants sa pakig-alayon sa United Filipino Global, Philippine National Police Anti-Cybercrime Group, Department of Migrant Workers (DMW), ug uban pang nasudnong ahensiya. Gipahinabo ang job fair sa DavNor Training Center, DNSTC, Mankilam, Tagum City, niadtong Hulyo 26, 2023 sa pagpanguna sa Provincial Administrative Office – Economic & Workforce Development Division (PAdO-EWDD).
Ubay-ubay nga mga katawhan nanimpalad sa pagpartisipar sa job fair bitbit ang mga dokumento. Kini ilang gisubmitar ngadto sa mga nagkadaiyang kompanyang lokal o nasudnong ahensiya alang sa Overseas Filipino Workers (OFW's).
Ang United Filipino Global Founder nga si Gemma Sotto, mapasalamaton kang Kuya Gov alang sa mainitong suporta niini sa naasoy'ng kalihokan.
"Una sa tanan, nagapasalamat ko kang Governor Edwin Jubahib kay siya akong gikontak nga daghang nihangyo diri sa Tagum for job fair. Of course, pasalamat, first time siguro diri sa DavNor nga giduol tanang serbisyo ni Governor Jubahib para sa inyo. So, this is basically a one-stop shop of our government agencies," sulti ni Sotto.
Kahibaloan nga mismo ang gobernador nanghingusog nga ang mga aplikante labi na ang buot manarbaho sa "abroad" dili masugamak sa mga illegal recruiter o kaha scammer hinungdan nga nakigduyog kini sa mga kapulisan alang sa paghatag og giya nga malikay sila sa bisan unsa mang matang sa krimen gamit ang social media.
"To give them tips para maiwasan natin ang mga namamantala kasi alam n'yo naman gaano kahirap ang buhay ngayon. And of course, maghanap tayo ng trabaho be sure also na maprotektahan lalo na 'yong ating mga kababayan na nagbabakasakali na magkaroon ng hanapbuhay especially sa mga OFW," ingon ni PCol Punzalan.
Samtang gipaniguro usab sa mga kapulisan sa Rehiyon Onse nga aduna silay global community relations alang sa mga OFW.
"This is to inform the public na we have this so called international or global PCR community relations. It all started way back 2019. Matagal na 'to na we reach out sa atong mga kababayan sa ibang bansa," sumala ni PCol Madrid.
Sa pikas bahin, nag-awhag si Davao del Norte Provincial Police Director Antonio Alberio Jr., nga magtinabangay ang tanan sa pakigbatok sa kriminalidad.
"Magpakabana ta, concerning sa peace and order, kay dili mahimo lang sa kami nga mga kapulisan, kondili a joint effort na siya sa publiko kanamong mga kapulisan," matud ni PCol Aberio.
Writer/Photo: Maria Lorna P. Tripoli
