Giinagurahan ang dul-an P6 milyones nga bag-ong bilding sa Provincial Internal Affairs Service (PIAS), Agosto 22, 2023 nga nahimutang sa Provincial Capitol Compound, Mankilam, Tagum City. Gipangunahan ni Governor Edwin "Kuya Gov" Jubahib ug representante ni Congressman Pantaleon "Bebot" Diaz Alvarez ang blessing and turn-over ceremony, duyog sa mga PNP ug uban pang dinapit.

Dako ang pasalamat nila DNPIAS Provincial Superintendent PLtCol Ruel V. Sinahon, PIAS Inspector General Atty. Alfegar M. Triambulo, ug PIAS Regional Director Antony Maghari sa liderato sa gobernador ug kang Congressman Alvarez sa  hugtanong suporta sa kamugnaan sa dos andanas nga gambalay.

Kini ang pinakaunang higayon sa rehiyon onse nga adunay gitukod nga IAS building nga gisuportahan sa kadagkoang opisyal sa probinsya.

Bug-os usab ang pagtoo ug pagsalig sa gobernador sa katakus sa PIAS sa adbokasiya niining pagdisiplina sa pipila ka mga miyembro sa kapulisan nga abusado sa gahom ug pag-ila sa mga awtoridad sa mga maayo nilang binuhatan. Sulti ni Kuya Gov nga sa Davao del Norte, kasamtangan  wala pay gikataho nga sakop sa kapulisan nga nangabusar. Sa iyang mensahe atol sa inagurasyon, giila ni Governor Jubahib ang kontribusyon sa mga awtoridad nga nadeklarang insurgency-free ang probinsya.

Writer/Photos: Maria Lorna P. Tripoli