Singkwenta (50) ka mga empleyado sa Probinsyal Capitol midawat sa ilang sertipiko isip nihuman sa 16 oras nga naglangkob sa duha ka adlaw nga Learning and Development Intervention Seminar, ubos sa temang "Embracing Public Speaking in a Future-Ready Civil Service”, sa Bulwagan ng Karunungan, Government Center, Mankilam, Tagum City, Agosto 17-18, 2023.

Gipangunahan kini sa Provincial Human Resource Management Office (PHRMO) ug mga personahe sa Civil Service Commission Regional Office XI sama nila Yvette Monarca ug Nikko Carlo H. Buit, isip mga resource speakers, nga nipaambit sa ilang kaalam alang sa saktong pamaagi ug paggamit sa pakigpulong sa publiko labi na ang paghatud sa serbisyo.

Dako ang panlantaw sa probinsyal nga panggamhanan ubos sa liderato ni Governor Edwin "Kuya Gov" Jubahib nga ang mga empleyado mas mahataga’g igong hiyas ug katakos sa pagpangalagad.

Sa maong seminar, tanang partisipante gigrupo sa upat nga adunay nagkadaiyang topiko agi’g giya sa ilang "public speaking challenge" diin tanan kanila nipabuhagay sa ilang mga "speeches" silbing pagbansay alang sa mas epektibong komunikasyon.

Writer/Photos: Maria Lorna P. Tripoli