Gatos kapin nga mga personahe sa kapitolyo gipasidunggan sa Probinsya pinaagi sa Gantimpala Agad Award nga gipangunahan sa Provincial Human Resource Management Office (PHRMO), sa VIP Clubhouse, DNSTC, Mankilam, Tagum City, Agosto 29, 2023.

Tagsa-tagsa kanila nagbitbit og payong isip pahalipay ug sertipiko nga pinirmahan ni Governor Edwin "Kuya Gov" Jubahib diin nagsaysay sa ilang di katupngan nga panig-ingnan, garbo ug kontribusyon sa paghatud sa serbisyo sibil.

Ang mga gipasidunggang empleyado nagikan sa Provincial Engineer's Office, Provincial Economic Enterprise and Development Office Carmen Zone, Provincial Information Communication Knowledge and Management Office (PICKMO) ug uban pang departamento.

Nagpasalamat ang mga gantimpala awardees kang Kuya Gov sa pag-ila sa gobernador sa ilang mga kahago ug pagpaningkamot.

"Kami dinhi sa Davao del Norte Carmen Zone mapamaayo gyud ang amoang serbisyo ug tungod sa pagpaningkamot sa mga staff. So, karong tuiga nakadawat og duha ka award, Best in Infection Control Practices sa Level 1 hospitals nationwide, ug ang ikaduha naa tay taas nga rating sa atoang Green Viability Assessment sa DOH. So, kami tanan diri nga trabahante sa Carmen Zone, dako ang pagpasalamat kang Gov nga iyang gi-recognize ang amoang pagpaningkamot para mapaayo pa ang pagpangalagad namo sa mga katawhan sa Davao del Norte," butyag ni Queenie Joy Aliño, usa ka nurse sa Carmen District Hospital.

Ang mga nidawat og pasidungog nagsilbing inspirasyon sa ubang mga empleyado nga magpakita’g maayong mga buhat.

Writer/Photos: Maria Lorna P. Tripoli

 

 

 

DavNor News

https://www.high-endrolex.com/26
https://www.high-endrolex.com/26