Gatosan ka mga empleyado sa Probinsya sa Davao del Norte ang nakabenepisyo sa gipahigayon nga Employee Health and Legal Services & Consumer Rights Awareness Day sa DavNor Gymnasium kagahapon, Septyembre 18, 2023.
Kini kabahin sa pagsaulog sa ika-123 nga Philippine Civil Service Anniversary nga adunay temang, “Transforming Public Service in the Next Decade: Honing Agile and Future-Ready Servant-Heroes.”
Gipalig-on ni Governor Edwin “Kuya Gov” Jubahib ang programang panglawas alang sa mga empleyado aron sila makahatag og mas maayo nga serbisyo sa katawhan, ubos sa Universal Health and Social Services component sa 13-point Development Agenda - KUYA GOB NG MASA.
Apil sa libreng serbisyo nga gitanyag sa mga empleyado ang laboratory services, health and wellness consultation, legal consultation, dental health services, eye check-up, x-ray services, ug consumer rights consultation.
Matud ni Jan Vincent Leuterio gikan sa Provincial Legal Office (PLO) ug Mr. Capitolympics 2023, dako ang iyang pasalamat sa pagtunol ni Kuya Gov og libreng serbisyo para sa mga empleyado ilabi na nga nindot ang iyang nasinati sa libreng dental cleaning.
“Kay Kuya Gov, thank you very much for always giving free services. Usually naman gyud, nga si Kuya Gov nagahatag og free services sa atong mga constituents sa Province of Davao del Norte but this time, special thanks kay Kuya Gov kay mga empleyado na pud sa capitol ang nakadawat og free services,” sulti ni Leuterio.
Dugang pa niya, gawas sa nakapahimulos sila sa mga serbisyo sa laing departamento, naghatag usab og libreng serbisyo ang PLO para sa mga nanginahanglan og legal nga konsultasyon.
“So ako, I am from the Provincial Legal Office man, karon apil pud mi nga mohatag og free services particularly mga legal consultation. Ang nakanindot ani kay maskin kami naa pud mi diri, maka-avail pud mi sa free services sa other department likewise from other department pud, okay ra pud sila makaadto sa amoa for free legal consultation,” ingon ni Leuterio.
Nahimong mabungahon ang programa sa panaghiusa sa mga nagkalain-laing departamento sa Probinsyal na Panggamhanan sa Davao del Norte, inubanan sa Provincial Health Office (PHO), Provincial Legal Office (PLO), Provincial Economic and Enterprise Development Office (PEEDO), ug Provincial Field Office- Department of Trade and Industry (DTI).
Writer/Photos: Cathy Florida
