Gikahimuot ni Mayor Maria Theresa Timbol sa lungsod sa Kapalong ang pagtugyan sa Probinsyal nga Panggamhanan sa Davao del Norte sa multiplier farm ngadto sa ilang pagdumala nga nahimutang sa Brgy. Capungagan, Kapalong, Davao del Norte.

“Dako kaayo akong pasalamat kang Kuya Edwin, programa sa DA nga nagapadayong benepisyaryo ang atoang Kapalong, katong sa rice farmers, corn farmers, katong mga gipanghatag sa atoa. Ug hopefully, magapadayon ni siya kay importante kaayo nga makabangon gyud ang atong panginabuhian dinhi sa Kapalong,” ingon ni Mayor Timbol.

Sa mensahe ni Governor Edwin “Kuya Gov” Jubahib nga gibatbat ni Executive Assistant Lemuel Puerto nga ang maong programa usa ka testamento sa panaghiusa dili lamang sa lokal nga panggamhanan kalakip sab sa nasyonal nga panggamhanan.

“Kadaogan o resulta tungod sa collaborative effort sa tanang sektor sa atoang katilingban. Dili lang ni maghisgut mahitungod sa atoang madawat nga mga manok ug mga kanding sa umaabot kung dili ang pag-turnover aning multiplier farm karong adlawa nagpahinumdom kanato nga kung ang tanan magkahiusa ug dunay hiniusang panlantaw alang sa umaabot nga panahon dili imposible ang kadaogan,” sulti ni Puerto.

Sa mensahe ni OIC-Provincial Veterinarian Dr. Dennis Sumaoy, nga ang pagtugyan sa mobalor P3.5 milyon nga multiplier farm mamahimo tinubdan sa hayop sama sa kanding ug manok nga kasamtangang gipasanay sa maong farm. Dugang ni Sumaoy nga dako kining ikatabang sa mga katawhan sa Kapalong ug sa kinatibuk-an sa probinsya.

“Giistorya gyud na ni Gov nga ihatag gyud og unsay importante para ma-sustain. Kay lisud man kaayo mohatag lang ka’g manok, mohatag lang ka’g kanding unya walay component nga support services niana. And then, rest assured nga ang opisina sa Provincial Veterinary Office willing gyud mosuporta niana,” saysay ni Dr. Sumaoy.

Gidayeg ug gipasalamatan ni Dr. Sumaoy ang mga personahe sa Municipal Agriculturist Office gumikan sa maayong pag-implementar ug pagdumala sa maong programa.

Writer/Photo: Nestor Mata, Jr.

 

 

 

DavNor News

https://www.high-endrolex.com/26
https://www.high-endrolex.com/26