Mas gipalapdan pa ang serbisyo sa Davao del Norte Learning Institute (DNLI), usa ka programa ubos sa Provincial Information, Communication and Knowledge Management Office (PICKMO) – Knowledge Management Division nga nagtabang sa mga empleyado sa panggamhanan nga makahuman sa kolehiyo o kaha makakuha’g graduate courses.
Kini nalakip sa year-end report ni PICKMO Head ug kasamtangang DNLI Executive Director Dr. Mervin Jay Z. Suaybaguio, atol sa DNLI-DNSC Faculty General Assembly Institutional Fellowship 2023 niadtong Nobyembre 15 diin iyang gisaysay ang tinguha ni Governor Edwin “Kuya Gov” Jubahib nga palapdan pa ang programa aron daghan ang makabenepisyo.
“𝘛𝘢𝘵𝘢𝘸 𝘴𝘢 𝘢𝘵𝘰𝘢 𝘯𝘰, 𝘵𝘩𝘢𝘵 𝘋𝘕𝘓𝘐 𝘸𝘢𝘴 𝘤𝘳𝘦𝘢𝘵𝘦𝘥 𝘭𝘰𝘯𝘨 𝘣𝘦𝘧𝘰𝘳𝘦. 𝘛𝘩𝘢𝘵 𝘪𝘵 𝘸𝘢𝘴 𝘪𝘯 2012, 𝘐 𝘵𝘩𝘪𝘯𝘬. 𝘗𝘦𝘳𝘰 𝘯𝘢𝘨𝘵𝘰𝘰 𝘨𝘺𝘶𝘥 𝘮𝘪 𝘣𝘢𝘴𝘪 𝘥𝘪𝘭𝘪 𝘯𝘢 𝘪𝘯𝘨𝘰𝘯 𝘢𝘯𝘢 𝘬𝘢 𝘢𝘤𝘵𝘪𝘷𝘦 𝘬𝘢𝘺 𝘭𝘢𝘩𝘪 𝘱𝘶𝘥 𝘴𝘪𝘨𝘶𝘳𝘰 𝘢𝘯𝘨 𝘨𝘶𝘴𝘵𝘰 𝘴𝘢 𝘢𝘵𝘰𝘯𝘨 𝘣𝘢𝘨-𝘰𝘯𝘨 𝘨𝘰𝘣𝘦𝘳𝘯𝘢𝘥𝘰𝘳. 𝘗𝘦𝘳𝘰 𝘯𝘢-𝘢𝘮𝘢𝘻𝘦 𝘨𝘺𝘶𝘥 𝘮𝘪 𝘣𝘦𝘤𝘢𝘶𝘴𝘦 𝘩𝘦 𝘳𝘦𝘢𝘭𝘭𝘺 𝘸𝘢𝘯𝘵𝘦𝘥 𝘯𝘨𝘢 𝘮𝘰-𝘴𝘵𝘦𝘱 𝘶𝘱 𝘱𝘢 𝘨𝘺𝘶𝘥 𝘱𝘢𝘳𝘢 𝘥𝘢𝘨𝘩𝘢𝘯 𝘨𝘺𝘶𝘥 𝘥𝘢𝘸 𝘢𝘯𝘨 𝘮𝘢𝘴𝘦𝘳𝘣𝘪𝘴𝘺𝘰𝘩𝘢𝘯. 𝘐𝘯 𝘧𝘢𝘤𝘵, 𝘯𝘢𝘢 𝘵𝘢𝘺 𝘮𝘨𝘢 𝘢𝘳𝘳𝘢𝘯𝘨𝘦𝘮𝘦𝘯𝘵 𝘸𝘪𝘵𝘩 𝘋𝘕𝘚𝘊 𝘯𝘨𝘢 𝘮𝘢𝘨𝘥𝘶𝘨𝘢𝘯𝘨 𝘯𝘢 𝘱𝘶𝘥 𝘵𝘢’𝘨 𝘮𝘨𝘢 𝘤𝘰𝘶𝘳𝘴𝘦𝘴 𝘯𝘨𝘢 𝘥𝘦𝘮𝘢𝘯𝘥 𝘨𝘺𝘶𝘥 𝘴𝘢 𝘢𝘵𝘰𝘯𝘨 𝘮𝘨𝘢 𝘤𝘰𝘯𝘴𝘵𝘪𝘵𝘶𝘦𝘯𝘵𝘴 𝘥𝘪𝘯𝘩𝘪 𝘴𝘢 𝘱𝘳𝘰𝘣𝘪𝘯𝘴𝘺𝘢,” matud ni Dr. Suaybaguio.
Sa paglingkod ni Kuya Gov, naamyendahan ang Provincial Ordinance No. 2012-001 o ang Pag-establisar sa Provincial Learning Institute in Davao del Norte pinaagi sa Provincial Ordinance No. 2014-006 sa niaging Disyembre 2019 diin gawas sa mga empleyado sa gobyerno sama sa casual ug regular, pwede na makapaenrol ang mga trabahante nga contract of service, job order ug honorarium. Dili lamang taga-capitolio, apil na ang ubang anaa sa lokal nga panggamhanan, mga barangay officials ug functionaries.
“𝘒𝘢𝘯𝘪𝘢𝘥𝘵𝘰 𝘮𝘢𝘯 𝘨𝘶𝘥 𝘭𝘪𝘮𝘪𝘵𝘦𝘥 𝘭𝘢𝘯𝘨, 𝘥𝘢𝘱𝘢𝘵 𝘯𝘢𝘢 𝘨𝘺𝘶𝘺 𝘦𝘮𝘱𝘭𝘰𝘺𝘦𝘳 𝘵𝘰 𝘦𝘮𝘱𝘭𝘰𝘺𝘦𝘦 𝘳𝘦𝘭𝘢𝘵𝘪𝘰𝘯𝘴𝘩𝘪𝘱. 𝘉𝘶𝘵 𝘯𝘰𝘸, 𝘣𝘦𝘤𝘢𝘶𝘴𝘦 𝘰𝘧 𝘵𝘩𝘦 𝘩𝘦𝘭𝘱 𝘰𝘧 𝘋𝘕𝘚𝘊, 𝘢𝘵𝘰𝘢𝘯𝘨 𝘯𝘢𝘣𝘢𝘨-𝘰 𝘢𝘯𝘨 𝘋𝘕𝘓𝘐. 𝘔𝘢𝘢𝘱𝘪𝘭 𝘯𝘢 𝘨𝘺𝘶𝘥 𝘯𝘢𝘵𝘰 𝘢𝘯𝘨 𝘬𝘢𝘵𝘰𝘯𝘨 𝘮𝘢𝘴 𝘯𝘢𝘯𝘨𝘪𝘯𝘢𝘩𝘢𝘯𝘨𝘭𝘢𝘯, 𝘦𝘴𝘱𝘦𝘤𝘪𝘢𝘭𝘭𝘺 𝘤𝘰𝘯𝘵𝘳𝘢𝘤𝘵 𝘰𝘧 𝘴𝘦𝘳𝘷𝘪𝘤𝘦, 𝘫𝘰𝘣 𝘰𝘳𝘥𝘦𝘳𝘴, 𝘬𝘪𝘯𝘪𝘯𝘨 𝘮𝘨𝘢 𝘸𝘢𝘭𝘢𝘺 𝘦𝘮𝘱𝘭𝘰𝘺𝘦𝘳 𝘵𝘰 𝘦𝘮𝘱𝘭𝘰𝘺𝘦𝘦 𝘳𝘦𝘭𝘢𝘵𝘪𝘰𝘯𝘴𝘩𝘪𝘱 𝘣𝘢. 𝘚𝘰, 𝘸𝘦 𝘩𝘢𝘷𝘦 𝘪𝘯𝘤𝘭𝘶𝘥𝘦𝘥 𝘵𝘩𝘦𝘮 𝘢𝘭𝘳𝘦𝘢𝘥𝘺,” sulti sa DNLI Executive Dir.
Sukad 2013 hangtud 2023, ubay-ubay na nga mga empleyado ang napahuman sa pagtungha pinaagi sa DNLI sa nagkalain-laing gitanyag nga kurso. Sa Bachelor of Public Administration (BPA), duna nay 241, Bachelor of Science in Disaster Resiliency and Management (BSDRM) – 52, ug Bachelor of Science in Entrepreneurship (BSEntrep) – 39. Sa mga naundang nga kurso; Certificate in Preschool Education (CPE) – 66, ug Bachelor of Science in Midwifery (BSM) – 61.
Samtang, ang nakahuman sa graduate programs sama sa Master in Public Administration (MPA), 20 kabuok. Ang bag-ong kursong Master in Information Technology (MIT), dunay 13 ka enrollees sa kasamtangan.
Plano karon sa maong buhatan nga mag-abli og bag-ong kurso; alang sa undergraduate program, ang Bachelor of Arts in Communication (AB Comm), samtang Master in Public Affairs (MPA) sa graduate program sanglit ilang nasuta nga daghan usab ang nanginahanglan niining mga programaha.
Writer: Maria Lorna P. TripoliPhotos: Michael Balila
