Nagpungasing talento ug abilidad gi-showcase sa mga kabatan-onan atol sa ika-49 Founding Anniversary sa Pag-Asa Youth Association of the Philippines (PYAP). Kapin 300 ang mipartisipar nga naggikan sa nagkadaiyang pederasyon sa matag lokalidad. Gipangunahan sa Provincial Social Welfare and Development Office (PSWDO) ang usa ka adlaw nga aktibidad nga gipahinabo sa Robinsons Place Tagum, niadtong Nobyembre 20, 2023.

Tumong niini nga kahatagan og importansya sa youth sector ang ilang mga bili ug madiskobre pa ang ilang mga kaugalingong hiyas. Nagpungasi ang nagkadaiyang kompetisyon sa PYAP Sociocultural 2023 sama sa Budots Olympic, Extemporaneous Speaking, Vocal Duet, Sayawit Video Presentation, Canvas Painting Evaluation, T-shirt Design Evaluation ug Yells & Cheers.

Matag LGU adunay mga partisipante sa nagkadaiyang kompetisyon. Dili kapugngang hugyaw ang mibuhagay sa dihang nagsugod na ang Budots Olympics. Kulba-hinam usab sa Canvas Painting nga adunay nagkadaiyang mga "Obra Maestra". Adunay mga ganting salaping cash ang mga palarang nidaog.

Gipasalamatan ni PSWD Assistant Head Jeffrey Calamongay si Governor Edwin "Kuya Gov" Jubahib gumikan sa mainitong suporta sa gobernador pinaagi sa pondong gigahin niini alang sa pagpatuman sa mga programa sa PYAP. Karong tuiga ang PYAP adunay temang "Pagpapahalaga ng Bawat Kabataan sa Kalusugang Pangkaisipan Tungo sa Matiwasay na Kinabukasan".

"𝘚𝘰, 𝘬𝘪𝘯𝘪 𝘴𝘺𝘢 𝘪𝘴 𝘢 𝘨𝘰𝘰𝘥 𝘷𝘦𝘯𝘶𝘦 𝘧𝘰𝘳 𝘵𝘩𝘦𝘮 𝘵𝘰 𝘴𝘩𝘰𝘸 𝘢𝘯𝘨 𝘪𝘭𝘢𝘯𝘨 𝘮𝘨𝘢 𝘴𝘬𝘪𝘭𝘭𝘴 𝘶𝘨 𝘮𝘨𝘢 𝘢𝘣𝘪𝘭𝘪𝘥𝘢𝘥 𝘢𝘯𝘥 𝘵𝘰 𝘨𝘪𝘷𝘦 𝘵𝘩𝘦𝘮 𝘢𝘷𝘦𝘯𝘶𝘦 𝘧𝘰𝘳 𝘤𝘢𝘮𝘢𝘳𝘢𝘥𝘦𝘳𝘪𝘦, 𝘱𝘢𝘳𝘵𝘯𝘦𝘳𝘴𝘩𝘪𝘱, 𝘨𝘰𝘰𝘥 𝘳𝘦𝘭𝘢𝘵𝘪𝘰𝘯𝘴𝘩𝘪𝘱 𝘣𝘦𝘵𝘸𝘦𝘦𝘯 𝘢𝘯𝘥 𝘢𝘮𝘰𝘯𝘨 𝘓𝘎𝘜𝘴 𝘯𝘨𝘢 𝘨𝘪-𝘰𝘳𝘨𝘢𝘯𝘪𝘻𝘦 𝘨𝘺𝘶𝘥 𝘯𝘪𝘭𝘢 𝘢𝘯𝘨 𝘪𝘭𝘢𝘯𝘨 𝘮𝘨𝘢 𝘺𝘰𝘶𝘵𝘩 𝘴𝘢 𝘮𝘢𝘵𝘢𝘨 𝘭𝘶𝘨𝘢𝘳, 𝘭𝘢𝘣𝘪 𝘯𝘢 𝘬𝘢𝘳𝘰𝘯 𝘯𝘨𝘢 𝘵𝘢𝘨𝘢𝘢𝘯 𝘯𝘢𝘵𝘰’𝘨 𝘪𝘮𝘱𝘰𝘳𝘵𝘢𝘯𝘴𝘺𝘢 𝘢𝘯𝘨 𝘪𝘭𝘢𝘯𝘨 𝘮𝘦𝘯𝘵𝘢𝘭 𝘩𝘦𝘢𝘭𝘵𝘩, 𝘭𝘢𝘣𝘪 𝘯𝘢 𝘵𝘢𝘨𝘢𝘢𝘯 𝘯𝘢𝘵𝘰 𝘴𝘪𝘭𝘢’𝘨 𝘰𝘱𝘱𝘰𝘳𝘵𝘶𝘯𝘪𝘵𝘪𝘦𝘴 𝘭𝘪𝘬𝘦 𝘵𝘳𝘢𝘪𝘯𝘪𝘯𝘨𝘴,” ingon ni Calamongay.

Writer/Photos: Maria Lorna P. Tripoli