Malungtarong kalinaw ug paghangop sa oportunidad nga gitanyag sa gobyerno, kini pipila lamang sa mga tumong sa Provincial Youth for Peace Movement (PYFPM) nga maoy ila usab nga mga adbokasiya. Buot sa maong organisasyon nga ang sektor sa kabatan-onan malikay o dili maagni sa mga walhong grupo sa pakigbatok sa panggamhanan. Ang kasamtangang deklarasyon nga insurgency-free province maoy naghatag kanila’g paglaom aron sa pagtikang sa kausaban, kalinaw, ug kalamboan.

Sa pinakaunang Provicial Youth Leadership Summit sulod sa tulo ka adlaw, Nobyembre 24-26, 2023 sa DavNor Gym, DNSTC, Mankilam, Tagum City, mas nasabtan sa mga batan-on ang mga panglantaw sa gobyerno kanila human kini gipasabot pag-ayo sa mga resource speakers nga naggikan sa Eastern Mindanao Command sa Armed Forces of the Philippines, Provincial Sports and Youth Development Office ug ubang nasudnong ahensiya. Gituki ang EO70 kon ELCAC Program, Power of Volunteerism, ug pag-establisar sa partnership tali sa mga kabatan-onan ug gobyerno. Nalingaw ug nabusog sila sa pagtulon-an sa ilang leadership team building. Gipartisiparan kini sa kapin 200 nga mga Youth for Peace Movement Advocates ug mga lideres sa ilang komunidad duyog sa mga personahe sa 1001st ug 1003rd Infantry Battalion.

Ang kanhing Presidente sa Youth for Peace Movement nga si Jonard Ryan Navarro nagpasalamat kang Governor Edwin "Kuya Gov" Jubahib gumikan sa pagpaningkamot sa iyang administrasyon nga madeklarang insurgency-free ang probinsya, sa ingon, ang mga batan-on padayong mabuhing malinawon ug dili matumpawak sa mga kamot sa New People’s Army.

"Karon nagpahigayon mi og PYLS aron matapok ang mga Youth for Peace Movement members sa nagkadaiyang mga munisipyo ug mga siyudad sa Davao del Norte, aron mahatagan og bag-ong impormasyon kung unsa na pud ang pwedeng strategy sa mga kabatan-onan nga gustong tabangan kadtong mga kauban o kaila nila nga magpalayo sa NPA recruitment and ma-edukar pud sa mga opportunities nga gihatag sa gobyerno when it comes to youth empowerment and peace building," ingon ni Navarro.

Sa maong summit gipahigayon ang mga nagkadaiyang kalihokan sama sa pagpaambit sa ilang mga talento ug pagpili sa mga bag-ong opisyal sa PYFPM kinsa gilayong nanumpa sa ilang mga katungdanan. Sila gilauman nga ipadayon ang nasugdang adbokasiya sa maong organisasyon.

Writer: Maria Lorna P. Tripoli
Photos: Kenneth Von Villa

 

 

 

DavNor News

https://www.high-endrolex.com/26
https://www.high-endrolex.com/26