Pag-implementa alang sa Drug-Free Workplace sa tanang mga LGUs ug uban pang mga ahensiya maoy sentong topiko sa diskusyon sa binulang panagtagbo sa Council of Human Resource Management Practitioners (CHRMP) sa Davao del Norte. Magpabiling confidential ang pagtratar sa matag empleyadong masakpang positibo sa ginadili nga droga alang sa ilang pribadong katungod samtang mopailalom kini sa saktong proseso. Mamahimo sab nga i-challenge ang resulta kun subling himoon ang drug testing.

Si PHRMO Head Edwin Palero, mao ang DavNor CHRMP President ug Drug-Free Workplace Committee Secretariat. Ang maong komitiba nailalom sa pagdumala sa Provincial Anti-Drug Abuse Council (PADAC).

Gibutyag ni Palero nga mikabat na 16 ka mga empleyado ang nagpositibo sa ginadili nga droga. Resulta kini sa nagpadayong random drug testing nga gipatuman sa provincial capitol human sa hugtanong kamandoan ni Governor Edwin "Kuya Gov" Jubahib nga mamahimong luwas sa droga ang probinsya. Ang drug testing ginahimo matag tuig sa probinsya ug uban pang lokalidad.

"Sa 16 nga nag-positive, naay duha o usa nga gusto siyang i-challenge. Apan pagkabalo nga iyang gasto, magdala sa medical team, siya mismo mobayad didto, giangkon na lang niya, nga sige angkonon na lang nako nga nigamit ko. Pero, as a form of or part of due process i-inform ninyo siya nga pwede siya mo-challenge," sulti ni Palero.

Samtang, ang representante ni Dir. Ruby A. Española sa Civil Service Commission DavNor Field Office nga usa sa mga mamumulong sa CHRMP meeting, mapasalamaton sa suporta ug partnership sa matag LGUs sa ilang programa uban sa panghinaot nga hugtan pa ang suporta sa matag lokalidad sa mga katikaran sa Civil Service Commission alang sa tuig 2024.

Gitambongan kini sa mga representante sa mga akademya, mga water districts sa Kapalong ug Panabo, sa NFA, sa DepEd Tagum ug sa LGU IGACOS, sa mga miyembro sa CHRMP ug uban pa. Gitigayon kini sa Pavilion, DNSTC, Mankilam, Tagum City niadtong Disyembre 27, 2023.

Writer/Photos: Maria Lorna P. Tripoli

 

 

 

DavNor News

https://www.high-endrolex.com/26
https://www.high-endrolex.com/26