Gawas sa world-class nga mga baybayon sa Island Garden City of Samal, ginahanyag sab ni Mayor Al David Uy ang agri-tourism, aron dugang soruyanan sa mga turista ang nagalambo nga kaumahan sa isla.

Gibutyag sa mayor nga dakong tabang ang farm-to-market infrastructure (FMI) project sa barangay Tagbitan-ag para pakusgon ang farm tourism sa dakbayan.

“Hitting two birds with one stone. Not only we develop our farmers, makatabang pud ni in terms of tourism. So, (ang atong mga farms) pwede pud masuroyan sa mga bisita,” ingon ni Uy.

Nagkantidad og P29.78 million ang pagsemento sa 1.3772 linear meter nga dalan, nga gipundohan sa Department of Trade and Industry (DTI), ug apil niini ang counterpart fund nga P1.49 gikan sa panggamhanan sa Samal.

Makabenepisyo sa maong proyekto ang gatosan ka mga mag-uuma nga nag-ugmad sa 1,388 ka ektaryang umahan sa cacao, lubi, kape, cadava, manga ug uban pang high-value crops sa mga barangay sa Tagbitan-ag ug San Antonio.

Gipangunahan ni DTI-XI Regional Director Maria Belenda Ambi ang groundbreaking sa maong proyekto, kauban sila DTI-XI Assistant Regional Director Romeo Castañaga, Engr. Cheryl Agustin-Flores, ang Chief sa Office of Project Development Services (OPDS) sa Department of Interior and Local Government (DILG), Acting DTI-Provincial Director Atty. Zerline Balleque ug Executive Assistant Newell de Ramos nga mirepresentar ni Kuya Gov Edwin Jubahib.

Sulti ni Ambi nga suportado kaayo sa ilang buhatan ang agri-tourism program sa Samal, labi na ang tabang alang paglambo sa negosyo sa isla.

“Gusto nato nga ang agricultural areas pwede pud nato magamit for tourism purposes,” ingon sa opisyal.

Dugang niya nga ang maong cacao value-chain project maoy ikaduhang proyekto sa probinsiya nga ilawom sa Rural Agro-Enterprise Partnership for Inclusive Development and Growth (RAPID Growth) Project sa DTI.

Mapasalamaton si Engr. Ricky Buendia, ang presidente sa Samal Island Agri-Growers Producers Association (SIAGPA) sa dakong tabang sa proyekto aron paglambo sa ilang produksiyon sa cacao, samtang naghinamhinam na sila sa saad sa DTI nga ekwipo alang sa ilang chocolate butter powder production.

“Walay katapusan ang among pagpasalamat sa dakong tabang sa DTI … apil na kay Kuya Gov (Jubahib) nga grabe pud ang suporta sa mga mag-uuma ug sa among mayor nga padayon ang suporta sa amoa,” sulti niya.

 

 

 

DavNor News

https://www.high-endrolex.com/26
https://www.high-endrolex.com/26