Nagapadayon ang mga relief operation sa probinsya gumikan sa duha ka nagsunod-sunod nga pagkadaut sa panahon dala sa shearline ug sa trough sa Low Pressure Area (LPA). Ang baha nagsugod pa sa unang semana sa bulan sa Enero hangtod ning kasamtangan.

Sa lungsod sa Carmen, 15,858 nga mga pamilya, sakop sa unom ka mga baryo ang biktima sa baha gitunolan sa mga relief foods niadtong Enero 31. Ang mga nahisgutang mga barangay mao ang Mangalcal, La Paz, Ising, Alejal, Tuganay, ug Mabaus.

Lima ka kilo nga bugas, usa ka beef loaf, ug tulo ka tinapa ang nadawat sa mga nabahaan. Ang pondo nga gigamit sa maong ayuda naggikan sa calamity fund sa probinsya.

Ang pagpang-apod-apod gipangunahan sa Provincial Social Welfare and Development Office (PSWDO) kauban ang PDRRMO, ang representante ni Governor Edwin "Kuya Gov" Jubahib, mga barangay functionaries ug uban pa.

Tinguha ni Governor Jubahib nga tanang mga nabiktima sa baha makadawat og relief foods.

Mangalcal 1,595
Tubod 274
Cebulano 1,112
Asuncion 610

Lapaz 389
Sto. Niño 872
Taba 125

Ising 4,370

Alejal 480
New Camiling 500
Magsaysay 501

Tuganay 1,406
Anibongan 883
San Isidro 446
Guadalupe 1,120

Mabaus 635
Salvacion 540

Sa pikas bahin 344 ka mga pamilya sa Barangay Cuambogan, Siyudad sa Tagum, nakadawat sa susamang ayuda, nga gitunol kanila didto sa Cuambogan gym, Pebrero 3, 2024. Ang Probinsyal nga Panggamhanan sa Davao del Norte walay undang sa pagtunol sa mga pagkaon ug tubig isip ayuda ngadto sa mga evacuation centers.

Writer: Maria Lorna P. Tripoli