Kinasingkasing nga nitunol og hinabang pinansyal si Senator Robin Padilla pinaagi sa iyang political officer nga si Nadia Montenegro alang ngadto sa mga ginikanan sa nalumos nga batan-on gumikan sa baha nga nahiagoman sa tibuok probinsya. Sila Mrs. Geraldine Ramos residente sa lungsod sa Asuncion ug Mercedita Dela Concepcion kuyog sa MSWDO San Isidro ug Kapalong ang gitunolan sa ayuda.

Gihimo kini sa Tahanan ng Gobernador, Pebrero 7, 2024 uban sa presensya nila Provincial Administrator Engr. Josie Jean Rabanoz, PSWDO Head Rosalinda Rapista, PDRRMO Head Glenda Delideli, ug mga MSWD Officers sa San Isidro ug Kapalong.

Anaa man sa kagul-anan, mapasalamaton gihapon ang mga ginikanan sanglit nipaabot kanila sa pahasubo ang senador dungan sa hinabang pinansyal nga gihatag kanila.

"Dako kaayo akong pasalamat kang Senator Robin Padilla nga nagtabang jud siya sa amoa, nagtunol og assistance," sumala ni Geraldine Ramos, namatyan og anak sa baha.

Samtang nipasabot Si Nadia Montenegro sa iyang katuyoan isip nagbitbit sa hinabang gikan sa senador.

"Yong mga nangyayari ngayon dito sa Davao del Norte sa ating mga baha at landslide, at ang ating mabutihing Senator Robin Padilla, nautosan po at naatasan kami na pumunta dito sa Davao at tingnan ang lagay ng mga pamilya at ang mga nabiktima nitong nakalulungkot na event dito sa Davao," sigon ni Montenegro.

Sa pikas bahin, nibilin og mensahe ang senador alang sa mga katawhan sa probinsya pinaagi sa iyang political officer.

"We are all praying for you at sana po lakasan lang po ang loob natin. Alam kong masyadong maraming trials na tayong mga Pilipino at wala namang hindi natin nakakaya, lalo na pagkasama natin ang ating Panginoon. Don’t lose hope. Just stand in faith and God bless the Philippines," dugang ni Montenegro.

Writer: Maria Lorna  P. Tripoli