Gipangunahan ni Governor Edwin “Kuya Gov” Jubahib ang pagtunol sa relief goods ngadto sa mokabat 4,500 ka pamilya sa upat ka Barangay sa Lungsod sa Carmen, Davao del Norte, niadtong Pebrero 8, 2024.

Ang maong mga relief goods gikan sa Consulate General of the People’s Republic of China ug sa Davao Filipino-Chinese Multisectoral Association, Inc.

Ang mga pamilya nga nidawat sa maong ayuda gikan sa Brgy. Tuganay, Brgy. Guadalupe, Brgy. Salvacion, ug Brgy. Mabaus sa maong lungsod, diin nidawat sila’g tag-10 kilos nga bugas, kape, instant noodles, sardinas, ug mineral water.

Nagpaabot sa iyang dakong pasalamat si Kuya Gov sa embahada sa China ug sa mga negosyanteng Tsino nga nagdala sa ilang hinanaling tabang alang sa mga biktima sa baha.

“Naghatag sila og support sa atoang tanang mga kaigsoonan nga nabiktima sa baha. Again, ato silang pasalamatan. Para sa mga donors nga naa karon, magdungan kitang tanan, say, ‘Thank you so much’,” sulti ni Kuya Gov.

Ang napili nga mga benepisyaryo, mao kini ang mga pamilyang hilabihang naapektohan sa dakong pagbaha tungod sa trough sa low pressure area nga hangtud karon anaa gihapon nagpuyo sa mga evacuation area ug sa mga tent nga nakamontar sa kilid sa dike ug sa taas nga kalsada.

Kahinumdoman, una nang gibisita ni Kuya Gov ang Brgy. Salvacion, Carmen niadtong Pebrero 4 ning tuiga, aron paghatud sa mga hinanaling ayuda sa mga residente nga tulo kaadlaw’ng lubog sa baha ug walay bisan unsang sakyanan ang makaagi ug makalusot sa maong lugar.

Writer: Nestor Mata, Jr.

 

 

 

DavNor News

https://www.high-endrolex.com/26
https://www.high-endrolex.com/26